أسباب زيادة الوزن فى رمضان

بعض الناس بيتصابوا بزيادة الوزن فى رمضان بالرغم من فترات الصوم اللى بتوصل ساعات طويله … يبقى ايه هيا أسباب زيادة الوزن فى رمضان ؟

بترجع زيادة الوزن فى رمضان لعدة عوامل من أهمها عدم اتباع نظام غذائى سليم بين الفطار والسحور والافراط فى تناول الأطعمه الغنيه بالدهون .

تناول الأكل من غير توقف فى الفتره مابين الفطار والسحور مع عدم الحركه وده بيسبب الخمول .

تناول الحلويات الرمضانيه الغنيه بالسعرات الحراريه زى الكنافه والقطايف معتقدين ان الجسم محتاج للسكر عشان ياخد طاقه ونشاط .

وده على عكس خبراء التغذيه اللى بينصحوا بتناول حبات من التمر بس للحصول على كمية السكر الازمه للجسم .

تناول الأكل المقلى الغنى بالدهون والسعرات الحراريه زى السمبوسك بأنواعها والكبيبه وغيرها .

عدم تهيئة المعده لتناول الأكل بعد فتره طويله من الصوم ممكن تتجاوزالـ 12 ساعه وتكون التهيئه دى عن طريق شرب كوباية العصير الطبيعى الخالى من السكر .

أو ممكن تناول حبات من التمر مع كوباية ميه مش متلجه والانتظار لمده من 10 لـ 20 دقيقه قبل تناول الوجبه الرئيسيه .

عدم ممارسة الرياضه والميل للراحه المطلقه بعد الفطار والنوم على طول بعد تناول الفطار .

وبينصح خبراء التغذيه بعدم الاسراف فى تناول الأكل فى الفطار والمشى لمدة نص ساعه على الأقل يوميا .

استبدال الحلويات الرمضانيه بالفاكهه الطازه لضمان عدم كسب وزن غير مرغوب فيه .