ابنك مبيحبش يستحمى ؟ تعالى أقولك تعملى ايه

للناس اللى معندهمش اطفال كلمة شاور بالنسبالهم مرتبطة بالاستجمام والشموع والميه النضيفة الروعة .
بس بالنسبة للأمهات بيكون وقت الشاور زى الكابوس ومرتبط فى المخ دايما بالصويت والخناق مع اطفالهم وأرض الحمام اللى بتغرق ميه.
ولان الاطفال لازم نحميهم دايما هقولك على شوية تقنيات اللى هتخلى وقت الشاور وقت مرح :
*أول حاجه نشترى شامبو مخصوص للأطفال : من الاسباب اللى بتخلى ابنك يعيط كتير وهو بيستحمى هو ان الشامبو بيدخل فى عينيه علشان كدا حاولى دايما تشترى شامبو بتركيبة مخصوصة للاطفال متسببش التهاب لعين ابنك وكمان خلى فى ايديك فوطة ناعمة علشان تمسحى اى أثر للشامبو بسرعة فى حال حصل التهاب.
*تانى حاجة خرجى كل اللعب اللى عندك مناسبة للميه : الاطفال بتحب تعلب كتير بالمراكب والسفن والبط وتقدرى تستغلى ده وتملى بانيو الاستحمام بيها.
*ثالث حاجة الاطفال بتحب كمان الالوان هاتى انواع الصابون اللى رغوتها ملونة والوانها مبهجه وكمان فقاعات الصابون البابلز لانها مسلية جدا لابنك.
*تغيير وقت الشاور لان بعض الامهات بتلاقى ان احسن وقت للشاور هو بعد العشا لانها طريقة مثاليه لتجهيزة للنوم بس لو كان ابنك مضايق من الوقت ده حاولى انك تغيرى وقت الشاور ويكون الصبح بدرى او بعد مايرجع من المدرسة.

واخيرااا… خلى ابنك يختار لبسة ولعبة بنفسة لان ده هيخليه متشوق اكتر لوقت الشاور.

#دكتور_مفيد
#روشتة_دوت_كوم
#الدواء_بقى_أونلاين