اخطاء غذائيه شائعه فى فترة الاعياد
اخطاء غذائيه شائعه فى فترة الاعياد
غسل الأسنان بالفرشاة بعد شرب المشروبات الصبغية :
انت فاكر انك بتحافظ على لون سنانك ناصع بالطريقه دى لكن فى الواقع انت بتسبب ليها أذى أكبر ، الحموضه فى المشروبات الصبغيه دى مع غسل السنان بيسبب كشطها بصوره خشنه والحل انك تشرب كوباية ميه قبل غسيل السنان وانت بتشرب اشطف بؤك كويس وبعدين تفها .
تحديد نضوج اللحوم والطيور بالعين المجردة :
فى العاده احنا بنسوي اللحوم والطيور بالنظر وعلى حسب توجيهات امهاتنا بالطرق التقليديه ، أثبتت الدراسات ان العين المجرده او تغيير لون اللحوم وقت التسويه ممكن يكون خادع واللى ممكن يسبب امراض بسبب انه مستوتش اللحوم بشكل كامل عشان كده لازم نستخدم مقياس حرارة الطهى ، والطيور بتستوى لحد درجة حراره 74 درجه مئويه على الاقل واللحمه على 71 درجه مئويه على الاقل .
عدم تناول الطعام قبل وقت الاحتفال :
لما تكون رايح حفله أو تجمع اسرى يبقى انت غالبا ماكلتش قبلها وده كمان من ضمن الاخطاء ، لازم تسيب معدتك فاضيه شويه عشان تستوعب الاكل فى العزومه بس متكنش ميت من الجوع لحد ميعاد الحفله وممكن تاكل شوية لوز او مكسرات قبل ماتروح الحفله عشان تاكل بتوازن ومتاكلش زياده عن اللزوم .
الرجيم القاسي بعد احتفالات العيد :
متطهرش جسمك بس برجيم العصاير أو المشروبات اللى بتنقص الوزن فبالرغم انها هتفقدك وزن العيد بسرعه ولكن بسبب حرقه للدهون بسرعه فممكن انه يتكون سموم تانيه فى الجسم واتبع حميه مليانه خضار وفاكهه وحبوب كامله عشان تستفيد باكبر قدر من العناصر الغذائية من غير الإضرار بصحتك لفقدان الوزن.
وزن نفسك كل خمس دقايق أو عدم وزن نفسك على الإطلاق :
ده مش هيعمل ليك اى حاجه الا انه هيزود الضغط العصبي والتوتر فى حياتك ، وزن نقسك كل يوم فى نفس التوقيت بيديك صوره افضل عن تطور وزنك فى ايام الاعياد .
النوم زيادة عن اللزوم :
ممكن تستغل الاجازه فى تعويض النوم اللى بينقصك ايام الشغل او الدراسه لكن النوم زياده عن اللزوم فى الاجازه ممكن يفوت عليك فرصة الاستمتاع ويخليك عرضه لمشاكل النوم غير المنتظم .
الاحتفاظ ببواقى الطعام بدون التأكد من درجة الحرارة :
اتأكد من أن درجة حرارة التلاجه متزدتش عن 5 درجات مئويه عشان ميبوظش بواقى الأكل من احتفالات وتجمعات العيد .
