ارشادات لمرضى السكر تساعدهم على الصيام بنجاح

فى رمضان مرضى السكر عليهم اتباع بعض الارشادات اللى هتساعدهم على الصيام بنجاح ، واحصاءات الاتحاد الدولى للسكر أكدت ان بتتصدر السعوديه والكويت وقطر ومصر أعداد المصابين بيه .

وبيدعم المتخصصين لتناول 3 وجبات حتى فى شهر رمضان وهما وجبة السحور والفطار وواحده بينهم وكمان نصحوا بكتر شرب الميه والسوايل اللى مش محلاه .

ومريض السكر يأخر وجبة السحور ويخليها قبل صلاة الفجر وبنشدد على عدم استهلاك الحلويات والمقليات فى رمضان وكفايه واحدة فاكهه و3 حبات تمر .

مستوى السكر فى الدم بيكون واطى قبل الفطار بساعه أو ساعتين عشان كده لازم نبعد عن الاجهاد فى الفتره دى وكمان بلاش النوم فيها عشان مينخفضتش مستوى السكر .

وأعراض انخفاض السكر فى الدم ، الاحساس بالجوع مع دوخه وصداع وتعرق وشعور بالضعف العام والتوتر والاعراض دى لازم بعد ظهورها قياس مستوى السكر فى الدم .

وفى حالة كان أقل من 80 يبقى لازم كسر الصيام بكوباية عصير حتى لو لسه مجاش وقت الفطار ودايما نراجع الدكتور عشان نتأكد من حالة المريض الصحيه وقدرته على الصيام .

#دكتور_مفيد
#روشتة_دوت_كوم
#الدواء_بقى_أونلاين