الحالات الطبية

ازاي نتصاحب على مرض السكر (الجزء الأول)

اعراض مرض السكري

ناس كتير سألونا على علاجات للسكر وازاي نعيش معاه من غير ما نحس ان عندنا سكر أصلا !! ازاي نتصاحب على مرض السكر (الجزء الأول) دكتور داليا بتجاوبكم في الحلقة دي على كل استفسارتكم

ازاي نتصاحب على مرض السكر (الجزء الأول)

 

 النهارده هتكون أول حلقه من سلسلة حلقات هنتكلم فيها عن مرض السكر.

ازاي نتصاحب على مرض السكر (الجزء الأول)

الأول خلونا نعرف هوه ايه مرض السكر ؟

 

 هو عدم قدرة البنكرياس على افراز هرمون الأنسولين

السكر ليه نوعين .. حاجه اسمها النوع الأول وده اللى بيكون موجود عند الاطفال

وده البنكرياس بيفشل تماما فى انه يفرز هرمون الأنسولين

وفى النوع التانى اللى بيجى للكبار وهو فشل جزئى فى البنكرياس

ومبيقدرش عن طريقه انه يفرز الأنسولين

ازاي نتصاحب على مرض السكر (الجزء الأول)

 هوه ايه مهمة الانسولين اصلا يعنى ؟

الانسولين ده بينظم مستويات السكر فى الدم بكذا طريقه

بمعنى ان هو مثلا بيساعد ان فى جزء من السكر بيتخزن

جزء تانى بيتحول لطاقه ، يحافظ على الدهون الموجوده فى العضلات

بحيث ان هي تفضل محتفظه بكفائتها ونخلي بالنا من النقطه دى علشان هنتكلم عليها بعد شويه

 

 اسباب السكر وممكن يجى من ايه ؟

ممكن يجى عامل وراثى ان يكون فى حد من قرايب الدرجه الاولى عنده سكر

ممكن يجى من طريقة الأكل ، ممكن يجى من السمنه وطبعا دول مرتبطين ببعض

يعنى احنا نخلى بالنا اوى ان الانسولين لما بيتفرز ..

بيتفرز علشان ينظم مستوى السكر فى الدم

معنى كده ان احنا لازم نحافظ فى اكلنا على ان ميكنش فيه سكر بنسبه عاليه

يعنى ميكنش فيها نسبة سكريات اللى هيا معقده

زى مثلا الشكولاته والحاجات الساقعه اللى فيها كافيين

ازاي نتصاحب على مرض السكر (الجزء الأول)

نتعامل مع المرض ازاى ؟

اولا : عن طريق النظام الغذائى يعنى لازم يكون نظام غذائى متوازن

بمعنى انها تكون وجبات منتظمه والدهون اللى فيها غير مشبعه

يعنى الزيوت اللى بنستخدمها تكون زيت عباد الشمس ، زيت زيتون ، زيت دره

لازم الاكل يكون فى الياف يعنى يكون الاكل فى خيار ، طماطم ، خس ، أته

نستخدم كمان فى المشروبات بتاعتنا لااما بدون سكر او نضيف بديل للسكر

حاجه يكون فيها سكرالوز او فركتوز

 نستخدم خضار وفاكهه كتير بس نخلى بالنا من الفاكهه

ان احنا بمقدار معين ومهم ان احنا ناكل جوافه ، برتقال ، شمام ، بطيخ ، تفاح

انما نخلى بالنا بقا من العنب والبلح والتين ان دول لازم يكونوا فى اضيق الحدود

لان فيهم اعلى نسبة سكريات

غير كده كمان بنستخدم اقراص دوائيه وطبعا دى لازم باشراف طبى متخصص

بعد مابيتعمل التحاليل الازمه أو طبعا بنستخدم أنسولين

النوع الاول من السكر اللى بيجى للأطفال ده مفيش قدامنا اصلا غير الأنسولين

النوع التانى اللى بيجى للكبار بيبقى معانا نظام غذائى مع  اقراص سكر

وفى اوقات بنحتاج الانسولين وهنتكلم عن طريقة العلاج

بأقراص الدوا والانسولين بالتفصيل اكتر الفيديو الجاى

طيب وهيا ايه اعراضه ؟

ايه اللى يخلينى اشك ان انا ممكن يكون عندى سكر ولازم اروح احلل

انى اكون بتردد على الحمام كتير ، بجوع كتير ، الدوخه ، العرق ، الشعور بالتعب

الحاجات دى كلها ممكن تشككنى ان عندى سكر

طيب اول حاجه بعملها ايه ؟ فيه فى الصيدليات قياس سكر عشوائي

ده بناخد عينه كده من صباع المريض

بنشوف بيه بشكل تقريبى احنا اخبارنا ايه

لو لاقينا ان فى سكر عالى فى السكر العشوائي نتجه بقا للمعمل

بنعمل سكر صايم وفاطر وبنروح لطبيب متخصص علشان يظبطلنا نسبة السكر بتاعتنا

هل احنا لما نسمع فكرة مرض السكر نخاف ؟

المفروض ان احنا منخافش لو احنا هنمشي على نظام غذائي مظبوط

ولو احنا فعلا مش هنطنش نفسنا وهنتابع مع طبيب

ومش لازم ياجماعه الواحد يستنى ان هو يتعب اوى علشان يرجع للدكتور بتاعه

لأ على طول لو فى استشارات متتابعه على فترات وليكن كل 6 شهور

علشان نحافظ على مستوى السكر فى الدم ونحمى نفسنا من الاثار المترتبه على وجود السكر

مريض السكر ليه وزنه بيقل؟

 الانسولين بيحافظ على مستوى الدهون فى العضلات كويس

ده بيخلينا نفهم ليه مريض السكر وزنه بيقل لان لما بيحصل خلل فى افراز الانسولين

فبتلاقى مستوى السكر بيعلى فى الدم بيمشي بقا فى مجرى الدم بالكامل

بيطلع فى صورة بول سكري وبتلاقى العضلات بتفقد جزء من الدهون

علشان تحولها لحاجه اسمها كيتونز الكيتونز دى هي السبب فى حدوث الغيبوبه

شوفتوا بقا اهمية الانسولين ؟ مش بس بيحافظ على مستوى السكر فى الدم

لأ كمان بيحمى من وجود الغيبوبه وبيحافظ على وزن العضلات

اللى احنا بنسميه البادى ماس اللى هوه وزن الجسم وكتلته

مهم اوي ياجماعه ان اى مريض سكر ياخد باله بقا من الادويه اللى بياخدها

بشكل بسيط متخدتش دوا من نفسك لازم تستشير طبيبك او الصيدلى اللى جنبك اللى بتثق فيه

مهم ان احنا نعرف ان ادوية الكحه اللى فيها سكر ممنوعه

يعنى احنا مثلا عندنا بيكتون عادى وبيكتون خالى من السكر

ناخد بالنا ان مريض السكر يستخدم اى نوع دوا كحه يكون خالي من السكر

مهم برضه ان احنا نعرف ان اى دوا فيه كورتيزون مش مناسب لمريض السكر

طب نفترض ان مريض السكر عنده ربو أو لاقدر الله عنده اى مرض مناعي

ويستلزم انه يستخدم كورتيزون مفيش مشكله بس لازم تحت اشراف طبي متخصص

بجرعات محدده محدش يعديها ومينفعش ياجماعه ان احنا نسمع كلام اى حد

يقولنا لالالا ياجماعه ده الكورتيزون ده البعبع العفريت

لأ هوه كويس ودواء حلو وفى امراض ملهاش علاج الا الكورتيزون

فأحنا ناخده بس المهم اشراف طبي مش بمزاجنا

برضه مريض السكر مش اى نوع دوا ضغط ينفع معاه يعنى لو الضغط زاد عند مريض السكر فجأه

فى ادويه اللى بتعالج الضغط المرتفع فى منها غير مناسب بالمره لمريض السكر

لان هو اما بيخفى اعراض ارتفاع السكر او ان هوه بيزود ادرار البول فممكن يسببلنا مشكله

يبقى العلاج لازم تحت اشراف طبي او تستشير الصيدلي اللى انت بتثق فيه

غير كده معندناش مشكله اوى فى التعامل مع مرض السكر

غير انك لازم كمريض سكر تتابع بشكل دوري تحاليلك والدكتور بتاعك

 

#دكتور_مفيد
#روشتة_دوت_كوم
#الدواء_بقى_أونلاين

 

 

 

 

 

 

whatsapp blank

مقالات ذات صلة

زر الذهاب إلى الأعلى