اسباب الزغطه وطرق علاجها

الزغطة من المشاكل اللى بتسببلنا احراج وبتكون شهقه مفاجئة ومعاها صوت وبتحصل بشكل لاارادى من غير اى مقدمات ، وسببها انقباض او انكماش مفاجئ فى عضلة الحجاب الحاجز فلما بتنكمش العضلة دى بتقفل الاحبال الصوتيه وتعمل الشهقه دى.

ودلوقتى هاقولكوا على الاسباب الشائعة للزغطة :

1. شرب المشروبات الغازية من اكتر الحاجات اللى بتساعد على تهيج الحجاب الحاجز.

2. الأكل بسرعة بيخلينا نبلع هواء مع الاكل ومن هنا بتيجى الزغطه.

3. مشاكل الجهاز التنفسى والهضمى زى التهابات الرئة وعسر الهضم.

4. التعرض للبخار زى التدخين وكمان التعرض للابخرة السامة.

5. الضحك والعياط المستمر لفترة طويلة.

نيجى بقا دلوقتى لطرق العلاج :

فى كتير طرق للعلاج من البيت اللى ممكن نتبعها للتخلص من الزغطه :

1. حبس النفس بانك تحبس نفسك لمدة قصيرة متتعداش ال 20 ثانية فبكدا بنساعد على عودة الحجاب الحاجز لوضعة الطبيعى.

2. نشرب كوباية ميه بسرعة.

3. ناكل سكر او عسل باننا نحط معلقة صغيرة عسل او سكر تحت اللسان ونسيبها تدوب
بيساعد كده على زيادة اللعاب وبكدا بتقف الزغطة

4. نعمل تمارين بسيطه زى مثلا نتنى الجزء اللى فوق من الجسم لتحت زى وضع الركوع ونكررها كذا مرة.

ممكن تجربوا الطرق دى فى علاج الزغطه بس لو الزغطة استمرت ل3 ساعات لازم على طول نروح للدكتور

#دكتور_مفيد
#روشتة_دوت_كوم
#الدواء_بقى_أونلاين