اطعمه صحيه تمدك بالطاقه اثناء الصيام
اطعمه صحيه تمدك بالطاقه اثناء الصيام
الصايمين بيواجهوا مشاكل كتير فى ساعات الصيام وخصوصا لما بيتزامن الشهر الفضيل مع فصل الصيف والجو الحر وهوه اللى بيفقد الجسم عناصر غذائية كتير محتاجها .
ولازم تعويض العناصر المفقوده دى فى ساعات الصيام فى النهار بأننا ناكل أكل صحى يوفر للجسم الطاقه الازمه عشان ميتصابش بالاعياء والاجهاد .
البطاطس :
بتحتوى البطاطس على المعادن والفيتامينات وهي من الأغذية الصحية المفيدة ولكن احذر من تناولها بالطريقة المقلية لأنها بتحتوي على سعرات حرارية عالية جدا فى الحاله دى وممكن سلقها أو شويها فى الفرن حسب الرغبه وتاكلها على الفطار .
وجبات المطاعم :
لا لا انا مش غلطانه بس اللى أقصده هنا هو اننا نحضر وجبات المطاعم زى البرجر واللى زى كده فى البيت بطريقه صحيه وممكن تقديم الوجبات دى فى البيت باستخدام الفراخ أو اللحمه الخاليه من الدهون ونسويها فى الفرن من غير استخدام دهون أو اضافة شوية زيت زيتون صغيرين وده اللى هيخليك تنوع فى الوجبات وفى نفس الوقت تحافظ على صحتك وتاخد القيم الغذائية الكبيرة من الأكل ده .
النشويات :
تعتبر النشويات من المواد الغذائية الضرورية جدا للرياضيين، وممكن تناول الرز او المكرونه مع الخضروات مضاده للأكسده لانه بيحتوى على قيم غذائية عالية جدا.
الخضروات :
بتحتوى كل الخضروات على عناصر غذائية كبيرة جدا، وتقدر تاكل الخضار الجاف زى الحبوب ( الفاصوليا واللوبيا ) على وجبة الفطار عشان تدي جسمك الطاقة الازمه والعناصر اللى فقدها طول اليوم ، وسويهم فى عصير طماطم طبيعى وممكن كمان تاكل معاه عيش محمص فى الفرن .
السمك :
لازم ناكل الأسماك زى السالمون مع سلطة الافوكادو ونحط زيت زيتون عليها بعد ماتستوى ، فى الفطار تعتبر من الوجبات المهمه والضروريه اللى بتدى الجسم طاقه كبيره هتساعده على استكمال يومه بنشاط وحيويه .
الشوربه :
بعض الناس مش بيشربوا الشوربه على الفطار مع انها من الوجبات الغنيه بالطاقه وممكن نشرب شوربه صحيه مكونه من الخضار والبروكلى أو اللفت والكرنب وقطع فراخ أو لحمه خاليه من الدهون وممكن ناكلها مع شوية رز صغيرين ويكون رز بنى .
