الاسعافات الاوليه عند الاشتباه فى تعرض طفلك لكسر

خلى بالك فحتى الرضع ممكن يتعرضوا لده ، واحده صحبتى وهيا بتحمى بنتها فى الحمام وكانت ماسكاها جامد اوى بايديها للأسف اتكسر فخدها من ضغط الأم عليها . تخيل ده !

اولا ايه هو الكسر ؟
هو كسر او شرخ فى العضم بسبب وقعه كبيره او قوه شديده على الجسم وفى حالة الاصابه بهشاشة فبمجرد قوه بسيطه هتعرضه لده .

أعراض الكسر :
تشوه أو التواء حاد وظاهر للعين زى فى كسور الرأس أو العنق أو الفخد أو تورم وكدمة كبيرة مكان الكسر
صعوبة في تحريك المنطقة المكسورة
سماع صوت فرقعة وقت الكسر لو كنت متواجد لحظتها
ممكن تشوف العضم المكسور في حالة الجرح المفتوح زى في بعض حوادث العربيات

أنواع الكسور :
الشروخ
الكسور البسيطة المغلقة من غير جرح
الكسور البسيطة مع وجود جرح مفتوح
الكسور المضاعفة يعنى أكتر من كسر
الكسور المفتوحة مع جرح مفتوح ونخاف من خطر التلوث
الكسور المختلطة يعنى ترافق إصابة تانيه في الأنسجة أو الأعصاب

الاسعافات الاوليه :
اطلب الاسعاف فورا
متحركش الطرف المصاب خصوصا لو كانت رأس او عنق او ضهر ابدااااا او لو كان كسر مفتوح
ممكن تحريك المصاب لو كان الكسر فى الدراع او فى الرجلين وتقدر تثبته بجبيره .
وقف النزيف بالضغط براحه عشان متزودتش من ألم الكسر وممكن ربط الطرف المصاب او بلف الطرف بشاش
شيل اى اكسسوارات فى مكان الكسر فى مكان الكسر زى الساعه او الخاتم لانه هيكون صعب شيلهم بعد حدوث التورم فى مكان الكسر
فى حالة كسر العمود الفقري متحاولش تحدريكه ابدا

#دكتور_مفيد
#روشتة_دوت_كوم
#الدواء_بقى_أونلاين