الحفاظ على الطاقه طوال اليوم فى رمضان
![](https://blog.rosheta.com/wp-content/uploads/2017/06/18893476_1931569233722138_6020537333942902148_n.png)
الحفاظ على الطاقه طوال اليوم فى رمضان
الصايم بيفقد من طاقته كتير خلال ساعات الصيام واللى بيخليه يجهد ويدور عن بدايل يرجع بيها نشاطه .
ودى أحسن الطرق اللى هتساعدك على استرداد طاقتك فى نهار الصيام :
_ تناول وجبة سحور كويسه ومتكنش تقيله لحد ماترهق معدتك وفى نفس الوقت تكون غنيه بالعناصر الغذائيه والسوايل .
_ ابعد عن الخروج تحت أشعة الشمس الى أقصى درجه ممكنه ولو كان لابد من ده يبقى حافظ على انك تفضل فى الضل على أد ماتقدر .
_ خد حمام بارد كل ماتحس ان الحراره ارتفعت فى جسمك لدرجه عاليه أو لو كنت حاسس بالخمول .
_ استنشق قشر البرتقال أو اللمون فى حالة لو حسيت بالدوار أو الغثيان وقت الصيام .
_ مفيش مانع بقيلوله صغيره تاخدها فى نص النهار لو كانت بترجع ليك نشاطك باقى اليوم .
_ أجل المهمات اللى بتحتاج لمجهود جسدي عالى لحد بعد الفطار .
_ والستات بقى الغلابه لما تقفى فى المطبخ اهتمى بوحود تهويه كويسه عشان ميبقاش المطبخ حر وضاغط عليكى وانتى بتطبخى .