الغذاء الصحى والمناسب لمريض الربو
الغذاء الصحى والمناسب لمريض الربو
للغذاء دور مهم وأساسى فى تخفيف الاصابه بأزمات الربو للى بيعانوا من حساسية القصبات الهوائيه لأن بعض المواد الغذائيه بتعمل ايه بقا :
1- المساعدة في ضبط التهاب القصبات .
2- توسيع القصبات الهوائية .
3- تخفيف كمية المواد المخاطية في الرئة .
4- منع الإصابة بحساسية الطعام اللي بتساعد على زيادة أزمات الربو
ودلوقتى هعرض ليكوا الاغذيه دى اللى بتخفف حدة الربو :
أول حاجه البصل والثوم : البصل بيحتوى على مواد طبيعيه مضاده للألتهاب وبيخفف أزمات الربو ، أما الثوم بيساعد فى تحسين عملية التنفس وده لانه بيقلل لزوجة افرازات الجهاز التنفسى وتقدر تاخد فصين ثوم على الريق الصبح أو حبيتين من الصيدليه ناهيك عن ان الثوم ماده مطهره ومضاد حيوى بيساعد على كبح جماح التهاب القصبات والمجارى التنفسيه.
الفلفل الحار : الاكل الحراق بيثير الاعصاب اللى شغاله فى الجهاز الهضمى واللى بتأمر بافراز سوائل الفم والبلعوم والرئتين والافرازات دى بتساعد على تخفيف المواد المخاطيه وبتمنع انسداد الرئتين بالمواد دى واللى هيخلى عملية التنفس طبيعيه .
الفواكه والخضار الغنيه بفيتامين C : كتر اوى من أكل الفاكهه والخضار الغنيه بالفيتامين ده لانه بيقلل الصفير والتهابات القصبات بنسبة 30% وده تفسيره ان الفيتامين ده مضاد للأكسده وبالتالى بيعدل جذور الاكسجين الحره اللى ممكن تحرض الالتهاب وتقلل المقاومه وكمان الفيتامين ده بيسرع فى استقلاب الهيستامين المسؤول عن تضييق القصبات الهوائيه وزيادة كثافة افرازاتها واللى بيعيق عملية التنفس الطبيعيه وكمان بيأثر الفيتامين على البروستاجلاندين اللى بيساعد فى كبح الالتهاب.
القهوه : بتحتوى على الكافيين اللى استخدموه من القرن ال 18 لمحاربة الربو وفعلا الدراسات اثبتت ان الكافيين بيحارب الربو وبيساعد على العلاج منه.
#دكتور_مفيد
#روشتة_دوت_كوم
#الدواء_بقى_أونلاين
