المرض الخطير ، الحصبه الالمانيه

هنتكلم النهارده عن الحصبه الالمانية
هي عدوى تسبب احمرار فى الجلد مايل للون الوردى ولها اعراض تشبه اعراض الأنفلونزا
زى مثلا :
* سخونيه بسيطه
*ألم وحرقان في العين
*اعراض زي اعراض البرد (مثل سيلان الانف و التهاب فى الزور)
ممكن بعد ايام يظهر الاحمرا فى مناطق تانيه من جسمك زي بقع فى وشك ورقبتك وده يخليك تحس بأنك عايز تهرش فى االاماكن دى , وممكن البقع دى تستمر معاك لمده اسبوع
مع ان المرض ده ممكن يكون بالنسبالك خفيف بس ممكن يأثر ويكون خطير جدا بالنسبه للسيده الحامل لأنه بيأثر علي الجنين
لو عرفتي انك معندكيش مناعه ضد الحصبة الالمانية لازم تاخدى تطعيم قبل حدوث الحمل
وبعدين تستنى شهر علي ما جسمك يقدر يقضى على الفيروس عشان متعرضيش طفلك انه يلقط منك الفيروس ده
ولو كنتي حامل لازم تبعدي عن اى حد تعرفى انه مصاب بالمرض ده وبعد الولاده مكن تاخدي التطعيم قبل خروجك من المستشفى