تجنب الاصابه بحساسية الصدر فى الربيع

بالرغم من ان فصل الربيع يعتبر من أجمل فصول السنه والجو فيه بيكون معتدل وجميل والورود والازهار بتتفتح ، بس ممكن ميكنش محبوب عند ناس معينه اللى بيعانوا من حساسية الصدر فى الربيع علشان كده لازم تعرف كل اللى بيخص الحساسيه دى فى فصل الربيع لوقاية الاسره منها.

ازاى بيتصاب بيها الانسان ؟؟

تعتبر حساسية الصدر من اكتر الامراض المنتشره عند الكبار والصغيرين فى فصل الربيع علشان بتنتشر حبوب اللقاح فى الجو ، الحبوب دى اللى بيطلقها الشجر والاعشاب علشان تتكاثر.
وفى حالة لو انت او حد من افراد اسرتك استنشق الحبوب دى مع الهوا وكان بيعانى من حساسيه منها جهازه المناعى هيعتقد عن طريق الخطأ ان الحبوب دى خطر ولازم يهاجمها ويفرز ماده كيميائيه فى الدم اسمها الهيستامين كرد فعل منه علشان يحاربها.
وبتسبب الماده دى فى تهيج ممرات التنفس فى الرئتين وبتكون اكتر حساسيه للمؤثرات المختلفه وتتملى بالمخاط وبالتالى المصاب بيلاقى صعوبه فى التنفس.

أعراض الاصابه بحساسية الصدر :

الكحه.
صعوبة التنفس.
سماع صوت صفير مع التنفس.

ايه هيا طرق الوقايه منها :

1. اهتم انك انت واسرتك تشربوا كميات كفايه من الميه كل يوم.
2. اتجنب خروج المصابين بالحساسيه الصبح بدرى لان بتنشط عملية اطلاق حبوب اللقاح فى الفتره دى.
3. أتاكد من قفل الشبابيك كويس علشان تتجنب استنشاق حبوب اللقاح عن طريق تيارات الهوا.
4. اهتم باستخدام المكيف اللى فيه فلاتر واللى بيشتغل على تقنية جزيئات الهوا.

كيفية العلاج :

فى حالة انك لاحظت اى عرض من الاعراض دى عليك او على اى حد من اسرتك لازم تستشير الدكتور المتخص الاول ، واللى هيوصف ليك طرق لعلاج حساسية الصدر ومنها :

1. تناول مضادات الهيستامين اللى بتوقف تأثير الهيستامين اللى بيفرزه الجهاز المناعى.
2. استعمال بخاخ اللى فيه مادة الكورتيزون اللى بتخفف التهاب الممرات الهوائيه.

#دكتور_مفيد
#روشتة_دوت_كوم
#الدواء_بقى_أونلاين