دليل العنايه بجمالك
عايزه تدلعى نفسك قبل عيد الحب علشان تكونى بشكل يجنن وروعه فى اليوم ده ؟ عادة الاهتمام والعنايه بالبشره والجسم لازم تبدأ قبل اى مناسبه بوقت كافى.
علشان كده ابدأى من النهارده بالعنايه ببشرتك من خلال الوصفات المتجربه الروعه دى :
1. هنبدأ بالحمام التركى لتنضيف البشره وابحثى عن طريقته هتلاقيها بسهوله.
2. بعد ازالة الشعر كمان جربى الوصفات اللى بتقلل نمو الشعر وتحصلى على جلد وبشره ناعمه زى مثلا منقوع الترمس ، مغلى نبات السعد ، كريم الفازلين مع السعد.
3. اعملى سكراب او مقشر للبشره وللجسم وللشفايف.
4. الماسكات كمان من الاساسيات المهمه لتنضيف البشره وتنقيتها زى مثلا قناع اللمون المنظف لجميع انواع البشره وطريقته انك هتجيبى 1/8 كوب لوز مطحون ومعلقة عصير لمون ومعلقة لبن او قشطه وقلبى كله على بعضه وحطيه على البشره وسيبيه لحد ماينشف خالص وبعد كده اغسلى وشك بالميه الدافيه.
5. لو كنتى عايزه تنضفى بشرتك وتسترخى شويه اعملى الفيشل المنزلى.
6. ودلوقتى جه وقت الباديكير وبعدين اختارى مانكيير مناسب ليكى على احدث صيحات الموضه.
7. اهتمى جدا بترطيب ايديكى وبشرتك.
8. واخيرا متنسيش تعطرى جسمك بطرق طبيعيه علشان تكون ريحتك جذابه وهتلاقى طرق كتير فى الانترنت هتفيدك اوى.
ونصيحتى ليكى انك تحاولى تاخدى مساج معالج للجسم علشان توصلى لاقصى درجات الراحه والاسترخاء وتجديد الدوره الدمويه بجسمك.
