طريقة غسل الخضروات والفواكه لتجنب التسمم الغذائى
طريقة غسل الخضروات والفواكه لتجنب التسمم الغذائى
مهم جدا نتأكد من غسيل الخضار والفاكهه قبل أكلهم لأن معظم الناس عارفين امكانية التسمم باللحوم ومش واخدين بعين الاعتبار خطر التسمم بالخضار أو الفاكهه .
ازاى نغسل الخضار والفاكهه بطريقه امنه ؟؟ 
?
الغسيل الكويس بيساعد على ازالة البكتيريا من سطح الفاكهه والخضار بما فيهم بكتيرا الاشريكيه القولونيه .
1_ اغسل ايديك بالميه السخنه والصابون قبل وبعد تحضير الأكل .
2_ نضف سطح المطبخ والواح التقطيع والاطباق بعد تقشير الخضار وقبل تقطيعه أو فرمه لان ممكن البكتيريا تتنقل من بره الخضار النى لجواه لما بتقطعه أو تقشره واغسل الاسطح وادوات المطبخ بالميه السخنه والصابون بعد ماتخلص .
3_ متغسلش الخضار والفاكهه بالصابون او المنظفات.
4_ استخدم الميه الساقعه فى غسيل الخضار والفاكهه .
5_ للمنتجات اللى ليها جلد سميك زى البطاطا والبطاطس والقلقاس ، استخدم فرشة الخضار عشان تساعدك فى ازالة الميكروبات اللى صعب توصل ليها .
6_ الحاجات اللى ليها اركان وزاويا كتير زى القرنبيط والبروكلى والخس لازم تتنقع فى ميه نضيفه وساقعه لمدة دقيقتين وبعدين تتشطف كويس .
7_ بعض الحاجات زى التوت مينفعش تتنقع فى الميه ، الحاجات الهشه دى حطها فى مصفى ورشها بالميه وبعد غسليها نشفها بمناديل ورق وبكده هتكون شلت جراثيم كتيره.
8_ لما تقطع او تقشر الحاجات حطها فى التلاجه فى أقرب وقت ممكن عند درجة حراره 4 درجه مئويه أو أقل لو مش هتتقدم للأكل على طول .
9_ متشتريش الخضار والفاكهه المتقطعه جاهزه فى السوبرماركت واللى مش مثلجه عشان تتأكد من صلاحيتها وانها مش بايظه .
10 _ لازم يتم تخزين الخضار الورقى من السوق او السوبر ماركت فى درجة حراره من 1 لـ 4 درجات مئويه فى خلال ساعتين من الشراء .
11_ اغسل الخضار عن طريق فصل الاوراق ونقعها فى ميه ساقعه لدقايق وصفى الخضار بالمصفى وكرر العمليه دى لحد ماتحس انها نضفت خالص .
12 _ فى طريقه تانيه وهيا نقع الخضار لمدة 5 دقايق فى الخل والميه حوالى نص كوباية خل ابيض على كوبايتن ميه واللى لازم بعد كده نشطفه بالميه الفاتره ، واتبين ان الاسلوب ده بيقلل من تلوث البكتيريا ومش بيقضى عليها خالص وممكن يأثر شويه على قوام وطعم الخضار الورقى.
واخيرااا .. لو فى اى احد عنده طريقه مختلفه ياريت يفدينا بيها ?
?
