علاج الاسهال وأمتى يكون خطير
علاج الاسهال وأمتى يكون خطير
الاسهال هو اخراج لبراز سايل او لين اكتر من 3 مرات فى اليوم وبيختلف ده على حسب العادات الفرديه للشخص او بشكل عام اكتر من اللى متعود عليه الشخص ، وممكن يكون معاه اعراض تانيه زى تشنجات ووجع فى البطن مغص يعنى وحراره وغثيان وارتفاع درجة الحراره وانتفاخ ودم فى البراز وغيرها من الاعراض ، وفى معظم الاوقات بيستمر الاسهال لأيام وممكن يستمر اسابيع وده بيشير لأمراض خطيره زى عدوى أو داء الامعاء الالتهابيه ولأمراض اقل خطوره زى متلازمة الامعاء الهيوجه.
اما عن اسبابه فهي كتير ومختلفه بس اكترها هي الالتهابات الهضميه بسبب عدوى جرثوميه أو فيروسيه أو طفيليه وفي اسباب تانيه للأسهال زى القلق والتوتر وعدم تحمل اللاكتوز وبعض الادويه وأمراض بتسبب الاسهال المزمن زى الامراض المعويه الالتهابيه ومتلازمة الامعاء الهيوجه والداء الزلاقي.
وبالنسبه للحالات اللى محتاجه طلب استشاره وعنايه طبيه هتكون على حسب عمر المصاب ، وتعتبر المضاعفات خطيره جدا بالنسبه لحديثى الولاده ولازم استشارة اخصائى فى حالة تكرر خروج الاسهال لست مرات او اكتر خلال 24 ساعه أو فى حالة التقيؤ 3 مرات أو أكتر خلال 24 ساعه ، أما بالنسبه للأطفال لو اتبرز اسهال 6 مرات أو اكتر خلال 24 ساعه أو فى حالة الاسهال والتقيؤ فى نفس الوقت أو فى حالة لو كان البراز مائى أوفى حالة وجود دم فى البراز أوفى حالة وجود وجع فى البطن مستمر وشديد أو فى حالة ظهور أى علامات الجفاف ، واخيرا بالنسبه للبالغين لازم استشارة الدكتور فى حالة وجود دم فى البراز او فى حالة التقيؤ المتكرر أو فى حالة فقدان كبير للوزن أو فى حالة نزول كميات كبيره جدا من براز شديد السيوله أو فى حالة تأثيره على النوم أو فى حالة العلاج بمضادات حيويه أو العلاج فى المستشفى أو فى حالة ظهور علامات الجفاف وأخيرا فى حالة لو كان البراز غامق أو أسود لأن ده ممكن يكون بيدل على حدوث نزيف.
وفى النهايه بيكون العلاج على حسب السبب ويعتبر تعويض السوايل المفقوده من الحاجات الاساسيه فى العلاج ، اما الوقايه من العدوى فبتكون باتباع قواعد النضافه العامه من غسيل الايدين بعد التعرض لتلوث محتمل ، غسيل الفواكه والخضار كويس جدا ، الابتعاد عن الاكل اللى بنشك بتلوثه وغيرها من الاحتياطات ، وفى حالة التعرض للعدوى لازم نطلب الاستشاره الطبيه وناخد بالنا بعدم تمرير العدوى دى لناس تانيه.
