علاج التسلخات عند الرضع

موضوع مهم اوي التسلخات عند الرضع يا اخوانا ????
الاول ايه هي اسباب التسلخات ركزي معايا :
1- انك متغيريش البامبرز بانتظام وتسيبي البراز يختلط مع البول ويتعرض جلد الطفل ليهم لفتره طويله …
??? ايه يا دكتور دا والله بغير لابني اول باول وعمري ما سبته …
طبعا ماانا عارفه انك هتقولي كده ??? بس ده غالبا هيحصل بسبب ان ابنك عنده دور اسهال او نزله معويه او بيتناول عصاير وكربوهيدرات بكميات كبيره من غير توازن والبراز بتاعه سايل وكتير علطول…
2- وخدي بقي التقيله من اهم اسباب الاسهال هو وجود سخونيه او التهاب في الحلق او الجهاز التنفسي العلوي والطفل بيبلع كميات بلغم كبيره تسبب تهيج حركه الامعاء ويعمل براز سايل بس مش كتير زي النزله المعويه وده بيبقي اسمه اسهال ثانوي …. وعلي فكره ده مش محتاج مطهر معوي ولا اي حاجه محتاج بس نعالج سبب المشكله ????
3- نوع الحفاظات التعبانه سيئه الصناعه وطبعا دلوقتي كلنا نسمع عن مصانع البامبرز تحت بير السلم دا غير المصيبه السودا بتاعه تنضيف البامبرز واعاده بيعه ربنا يحفظنا من الغش والغشاشين ????
لازم تركزي اوي وانتي بتشتري بامبرز ايه لابنك وتصحصحي اوي ????
اه وفي حاجه كمان بلاش البامبرز الضيق وفكيها علي الواد يفكها عليكي ربنا ????
4- تسلخات نتيجه بعض انواع الحساسيه والاكزيما واي طفل عنده تسلخات عنيفه ومبتروحش لازم نفكر في حساسيه الطعام وحساسيه الالبان ????
5- تسلخات بسبب انواع كريمات ترطيب وانواع صابون تعبانه وانواع الزيوت العجيبه اللي بعض الامهات بتحب تحطها ???اعرف امهات بتحط زيت خروع وزيت كافوز وزيت ثمرة اللباد … ارحموا العيال شويه ????
6- والعكس بقه كمان يعني المبالغه في شراء انواع الصابون الغاليه اللي فيها مطهرات عنيفه زي الديتول … في بشرات اطفال مبتتحملهاش … معلش مش لازم نحبكها اوي وندعك الواد بالديتول لدرجه اننا نبيده هو شخصيا مع الميكروبات ????
7- تسلخات بسبب التهاب فطري او التهاب بكتيري ودي غالبا بتحصل كمضاعفات لتسلخات عاديه وتقلب لحاجه اشد والعلاج ميجيبش معاها نتيجه وتبقي عنيفه والام تحتار فيها ودي عايزه مضادات حيويه او فطريه مع علاج التسلخات والامش هتخف????
8- ودي ركزوا معايا فيها اوي الله يكرمكم من اهم اسباب التسلخات نقص الفيتامينات وبالذات نقص فيتامين A وفيتامين C ومتنسوش الزنك يا اخوانا نقص الزنك بيعمل تسلخات مميزه حوالين الشرج وحوالين الفم مش كل تسلخات نقعد نرزع كورتيزون كريمات وخلاص ???? لازم نشوف السبب ايه ونعالجه…. الزنك متنسوش الزنك يا اخوانا ???
طيب يا دكتور بعد ما عقديتنا قولي بقه ازاي امنع ان الواد يجيله تسلخات ?????????
حاضر هقولك ركزي معايا ????
1- اول حاجه تغيري البامبرز بانتظام وكل ما يعمل براز بالذات منستناش عليه نغيرله علطول … متنسيش سلاحك السري يا كل ام … كام حته بامبرز معاكي في الشنطه وانتي خارجه???? …
2- واحنا بنغير للواد نشطفه كويس بالماء فقط كفايه ولو عايزه صابون يبقي الصابون العادي او انواع صابون خاصه بالاطفال والدعك يكون بلطف وبالراحه ….وممنوع منعا باتا العطور او اي منتجات فيها كحول وممنوع المناديل المعطره زي الوايبس ….. وننشفه كويس ونحط كريم مرطب محترم مرتين علي الاقل في اليوم وابوس ايدك بلاش البامبرز الضيق او تقفليه جامد اوي علي الواد ????
3- ممنوع بودره التلك لانها بتهيج الجلد واظن انها انقرضت خلاص ???? وحاول تسيبي الواد من غير بامبرز شويه اطول فتره ممكنه وفكيها عليه يفكها عليكي ربنا ????
4- الواد لو جاله تسلخات توقفي فورا اي كريمات مرطبه ???? ايه بتقول ايه يا دكتور دا انا كنت بزود … ما انا عارفه وده للاسف غلط كل انواع الكريمات والزيوت المرطبه لا تصلح الا علي الجلد السليم فالجلد لو حصله التهاب كل الحاجات دي تزود الالتهاب علشان كده بنوقفها فورا وندهن كريم للتسلخات زي ما يوصف الطبيب …
5- متنسيش الكريمات اللي فيها اوكسيد زنك … الزنك يا اخوانا …. وممكن نستخدمها ككريمات مرطبه بانتظام مع تغيير البامبرز ✌✌✌✌✌
6- لو التسلخات ظهر فيها حبوب بيضا او صديد او بقت عميقه ومبتخفش يبقي كده ممكن نحتاج مضادات حساسيه بالفم او كريمات للفطريات او البكتريا ولازم يروح للدكتور … ومتتاخريش لان مع الوقت كده الدنيا هتبقي اصعب كتير ???

شير بقه خلي كل الامهات تعرف ويا رب نكون فيدناكم بحاجه مهمه … عايزين شير تاريخي ????

#دكتور_مفيد
#روشتة_دوت_كوم
#الدواء_بقى_أونلاين