علاج العينين من ألم تصفح الانترنت
علاج العينين من ألم تصفح الانترنت
لما تقعد قدام الكمبيوتر فترات طويلة لازم تحس بشوية وجع او حكة فى عينيك وده بسبب الضوء الشديد اللى بتخرجة الشاشة طول الوقت ، وفى المقاله دى هنعرف طريقة تقدر بيها تخفف وجع عينيك خصوصا وانت قاعد على الانترنت.
اكتر نشاط بنعمله واحنا قاعدين قدام الكمبيوتر هو اننا نتصفح الانترنت سواء كان فى شبكات التواصل الاجتماعى او حتى المواقع الاخبارية المنوعه وبما ان اغلب المواقع بتحب تستخدم الالوان الفاتحة للخلفية فده بيزود احساسك بارهاق العين.
وجع العين بسبب الكمبيوتر ليه اسباب كتيرة لكن اكترها هو شدة الاضاءة وممكن نعالج الموضوع ده باننا نقلل الاضاءة.
الحل اللى هقولكم عليه عبارة عن اننا نضيف تطبيق لجوجل كروم واسمه Dark Reader ، الاضافة دى بتغير الخلفيات الفاتحه للون الغامق وده بيقلل من الاثار اللى بتحصل لعينيا لما نقعد وقت طويل قدام الكمبيوتر.
وطريقة استخدامها بسيطه جدا بانك هتدوس على زرار الاضافة وبعد كده تختار الحاله اللى عايز تتصفح الموقع بيها وانها تكون غامقة ومريحة او ترجعها فاتحه علشان ترجع تانى للوضع الطبيعى وكمان تتقدر تتحكم بمدى حرارة الصورة يعنى ميلها للون الاحمر لو كان ده هيريحك.
