علاج القولون العصبى فى رمضان
![](https://blog.rosheta.com/wp-content/uploads/2017/06/19225008_1937099989835729_2111103012658084876_n.png)
علاج القولون العصبى فى رمضان
بتعانى من القولون العصبى فى رمضان ؟
أول حاجه لازم تعملها أنك تهتم تاكل على الفطار والسحور كميات معتدله عشان متتعرضش لاضطرابات فى المعده ومعويه تخليك متحسش بالراحه .
علاج القولون العصبى فى رمضان :
1. أهتم تاكل كمية ألياف كويسه من خضار وفاكهه وخلى طبق السلطه رفيق ليك طول افطارات رمضان ووجبات السحور كمان .
2. أبعد عن المقليات لانها أكتر حاجه بتسبب انتفاخات القولون .
3. أبعد عن اللحوم الحمرا بشكل كبير وده لأنها مش من أكتر مسببات تعب القولون وبس انما كمان بتزود احتمالية الاصابه بسرطان الجهاز الهضمى .
4. تناول الفواكه المجففه بدل من الحلويات المليانه سمنه وعسل .
6. متشربش عصاير الفواكه وبدلها بأنك تاكل الثمره نفسها لأنها غنيه بالألياف والعصير مع بعض .
7. متكترش فى الأكل بكميات كبيره وخلى أكلك على فترات متقطعه وبكميات معتدله .
8. اشرب كتير من الميه .
9. أبعد عن الأكل اللى بيسبب الأنتفاخ زى الكرنب والقرنبيط والعدس .
10. أشرب كوباية يانسون دافى أو الزهورات اللى بترخي القولون وعضلات الجسم والمعده وتكون مرتاح اكتر .
11. حاول تاكل خضار ورقى كتير لانها مسهله لعمل الجهاز الهضمى زى الجرجير والنعناع وكمان البسله .