علاقة فيتامين سي بمكافحة أمراض السرطان
علاقة فيتامين سي بمكافحة أمراض السرطان
الظاهر ان فيتامين سي بيعمل عمل المحارب النبيل فى الجسم لانه مش بتقتصر فوايده على الحاجات التقليديه اللى مشهور بيها زى الانفلونزا ونزلات البرد وزيادة الطاقه انما مفيد كمان كعلاج بديل لمكافحة الأمراض السرطانيه لو أتاخد بالحقن الوريدى .
ممكن يكون كوبايه من عصير البرتقال أو اللمون أو أى نوع تانى من الخضار والفاكهه اللى فيها كميات عاليه من فيتامين سي كفيل بالوقايه من الانفلونزا والزكام وبيستخدم كعلاج منزلى لطيف لنزلات البرد وده لأهمية فيتامين سي للجسم على كافة المستويات وبما ان الجسم غير قادر على تصنيعه أو تخزينه عشان كده بينصح بضمه للنظام الغذائى اليومى لضمان صحه جيده وعشان نعفى الأم من جريها ورا العيله بحبات البرتقال ووجبات السبانخ طول اليوم ، وكمان معروف فاعليته لمكافحة مرض السرطان قديما غير ان طريقة أخذه بالفم مثبتتش نجاحها .
وأظهرت الأبحاث ان الطرق العلاجيه التقليديه لمرض السرطان زى العلاج الكيميائى والاشعاعى ممكن تكون مضره جدا للجسم وفرص النجاه من خلالها ضعيفه ، واتوصل باحثين ان العلاج البديل فيتامين سي بيدعم الوسايل التقليديه دى غير ان الطرق التقليديه لأخذه بالفم مش مجديه للعلاج لأن اثبتت التجارب ان لفيتامين سي فايده كبيره وقوه بمكافحة امراض السرطان لو أتاخد بالحقن الوريدى .
وكشفت التجارب على الفيران بأن وجود جرعه عاليه من فيتامين سي فى الدم بتهاجم الخلايا السرطانيه وتقتلها من غير ماتأذى الخلايا السليمه وأثبتت المرحله الأولى من التجارب سلامتها على المرضى فى المراحل المتقدمه .
فيتامين سي بحد ذاته مش بيهاجم الخلايا السرطانيه مباشرة انما بيزود من انتاج بيروكسيد الهيدروجين اللى بيقتل الخلايا السرطانيه ويسيب السليمه لو اتاخد بالحقن الوريدى وبجرعات عاليه . ولسه الابحاث جاريه لمعرفة امكانية ضمان نجاة المريض من الموت وتعافيه كليا ، وأنواع السرطان اللى بتستجيب بدرجه أكبر مع العلاج ده .
