عوامل واسباب مرض الزهايمر
عوامل واسباب مرض الزهايمر
بعض العادات الغذائيه بتسبب الاصابه بالزهايمر وضعف القدره على التفكير السليم والمنطقى ومن أهم العادات اللى بتسبب فى تعجيل الاصابه بالزهايمر هيا :
اولا : عدم تناول وجبة الفطار لان الفطار بيعتبر اكتر حاجه بتحتاجها الدماغ والجسم لبداية العمل والنشاط الفكرى والجسدى ويعتبر زى البنزين للعربيه عشان يزود الجسم والدماغ بالوقود بتاعه من الجلوكوز والسعرات الحراريه اللى نقصت عنده بسبب الصيام بليل كل يوم وقت النوم ولازم الوجبه دى يكون فيها جميع العناصر الغذائية زى البروتينات والكاربوهيدرات والدهون البسيطه .
ثانيا : الافراط فى الاكل وكتر أكل السكريات واكترها المشروبات الغازيه والعصاير المعلبه بيعوق امتصاص الدماغ للبروتينات والغذا واللى بيسبب سوء تغذية الدماغ وممكن يتعارض مع نمو المخ .
ثالثا : التدخين بيسبب انكماش خلايا المخ وممكن يسبب مرض الزهايمر .
رابعا : تلوث الهوا لان الدماغ اكبر مستهلك للأكسجين فى اجسامنا واستنشاق هوا ملوث بيقلل دعم الدماغ بالاكسجين واللى بيقلل كفاءة الدماغ .
خامسا : الارق لان النوم بيساعد الدماغ على الراحه وخصوصا فى اوضه هاديه وضلمه ، وكتر الارق بيزود من سرعة الموت والتلف لخلايا الدماغ .
سادسا : تغطية الراس وقت النوم (لا تخطو رؤؤسكم اثناء النوم ولا تنامو على بطونكم) النوم مع تغطية الراس بيزود تركيز ثانى اكسيد الكربون وبيقلل تركيز الاوكسجين واللى بيسبب تأثيرات سلبيه على الدماغ .
سابعا : القيام بأعمال وقت المرض : العمل الشاق او الدراسه والمذاكره وقت المرض بيقلل من فعالية الدماغ يعنى متكابروش وانتوا عيانين لان اى مرض فى العالم عشان نعجل فى علاجه لابد من الراحه والاسترخاء والغذا الصحى وخصوصا الشوربات السخنه بانواعها والابتعاد عن الدهون وخصوصا المشبعه منها زى السمنه الحيوانى والزبده بانواعها لانها كمان بتسبب تأثيرات سلبيه .
ثامنا : قلة تحفيز الدماغ على التفكير لان التفكير هو افضل طريقه لتمرين الدماغ وقلة تحفيز الدماغ على التفكير بيسبب تقلص او تلف خلايا الدماغ.
تاسعا : ندرة الكلام مع الناس .. الحوار الفكرى مع الناس بيساعد على ترقية فعالية الدماغ .
ومهم انك تاخد بعض المكملات الغذائيه بدايه من الخمسينات من العمر وبشكل مستمر زى حبوب خلاصة شجرة الجنكه او شجرة الحياه ومستحضرات اوميجا 3 والتعود على أكل الفاكهه كل يوم وخصوصا الصفرا منها لكتر احتوائها على مادة الكاروتينات الطبيعيه أفضل مضاد اكسدة الخلايا ومحارب الشيخوخه ويعتبر العنب وغناه بالجلوكوز الطبيعى وسهل الامتصاص من احن وافضل لأ وكمان اسهل وقود وغذا لخلايا الدماغ وممارسة بعض الانشطه الرياضيه وخصوصا الجرى العسكرى فى الهواء الطلق ، وتاخد بعض مضادات الاكسده فى الجسم من فتره للتانيه وحبوب الزنك والسيلينيوم .
ومتنسوش ان شرب فنجانين قهوه كل يوم بيزود التركيز وتنبيه خلايا الدماغ والقلب .
ومننساش ان فى كمان عوامل وراثيه اللى ممكن تسبب الزهايمر وممكن تأخيرها باتباع الشروط الصحيه السابقه زى مرض السكر والضغط .
