فوائد خل التفاح الخطيره
فوائد خل التفاح الخطيره
لعصور طويله اوى فضل استخدام خل التفاح فى تنضيف البيت والمطبخ وبس ، لكن الدراسات الاخيره اتوصلت لفوايده الصحيه الكتيره ، وبص بقا المفجأه : معلقه واحده من خل التفاح هتساعدك فى انقاص الوزن وتحميك من السكر.
ونبدأ بطرق الوقايه من السكر ، نشرت دراسه اجروها فى جامعة أريزونا ان قدرة خل التفاح على خفض مستوى السكر بالدم وده نفس التأثير لعدد كبير من الادويه وركزت الدراسه على مرض السكر من المرحله التانيه واثبتت ان تناول معلقتين من الخل قبل وجبه من الكربوهيدرات هيساعد على تعطيل الانزيمات النشويه الموجوده فى الوجبه وبالتالى هيتم عملية الهضم ببطء واللى هيحافظ على مستوى السكر فى الدم .
علشان السبب ده بدأ عدد كبير من الناس يضيفوا معلقة خل التفاح لطبق السلطه وياكلوه قبل الغدا وخصوصا لوكانت الوجبه دسمه.
وننتقل دلوقتى لانقاص الوزن ودور خل التفاح فى كده ، لما بتاكل خل التفاح بتحس بالشبع بسرعه وبيقلل حاجتك لتناول الكربوهيدرات او السكريات لانه بيحافظ على مستوى السكر المثالى لجسمك.
تناول معلقتين من خل التفاح طول اليوم باضافتهم لكوبيتين ميه عشان تخففه هيساعدك على انقاص الوزن ، ولتأكيد ده نشرت دراسه سنة 2009 فى Bio Science ان الاشخاص اللى خدوا معلقتين من خل التفاح يوميا ولمدة 12 اسبوع خسروا عدد ملحوظ من الكيلوجرامات وقلت دهوت البطن والوسط عندهم وكمان انخفاض الدهون الثلاثيه ودى طبعا نتايج مبهره تستاهل التجربه.
يعتبر خل التفاح من افضل طرق الديتوكس اللى بتطهر جسمك من السموم وبيزود معدل حرق الدهون بصوره واضحه ، لكن خليك فاكر ان اتباع الرجيم وممارسة الرياضه بيزودوا من فرص انقاص الوزن فبلاش تعتمد عليه وبس وكمان اتجنب تناول كميات كبيره عشان متتصابش بقرحة المعده او انخفاض فى البوتاسيوم ، ودى الاعراض الجانبيه المتوقع انها تحصل فى حالة الافراط منه.
ودى فوايد تانيه منه :
1_ بيقضى على قشرة الراس ، خفف معلقه منه على كوبيتين ميه واشطف بيها شعرك بعد استخدام الشامبو والبلسم.
2_ بيقلل نسبة الكوليسترول وبيمنع عدد من امراض القلب.
3_ بيساعد على التخلص من عدد من الفطريات والخمائر.
4_ بيستخدم للتعقيم والتنضيف فى اوقات كتير لقوته فى القضاء على البكتيريا.
