فوائد شوربة العدس
فوائد شوربة العدس
شوربة العدس(بيومي فؤاد الشتا) رجعتلكوا تاني ومش بعيد تكون إتغديتها النهاردة كمان , الصنف العجيب اللي الأمهات وهيا بتقدمهالك في الشتا بتحس إنها عاملالك كافيار وفي نفس الوقت إنت ممكن تغلط في أي وجبه قدام مامتك في الشتاء إلا شوربة العدس تحس إن بينهم بيزنس 
😀 .
هشرحلكم فوائد شوربة العدس المهمه جدا اللي الامهات لخصوها كلها انه بيدفي كويس بس !!
قبل ما نبدأ .. شوربة العدس فعلا كويسه جدا للتدفئه في الشتا بس هيا ليها فوائد كتير مهمه جدا غير موضوع التدفئة تخليك تاكلها صيف قبل الشتا كمان .
1- العدس وجبه خفيفة جدا على المعدة وغنية بالطاقة وبتحسن عملية التمثيل الغذائ للإنسان.
2- وجبة العدس تحتوي على بروتينات واحماض امينية وحديد وزنك ونحاس ومنجنيز وحاجات تانيه كتير .
3- وجبه مهمه لإنقاص الوزن عشان نسبة الدهون فيها قليلة جدا .
4- تقي من أمراض السكر والقلب والأوعية الدموية والسرطان .
يعني من الآخر وجبة العدس مفيدة جدا للجسم ومامتك فعلا كان عندها حق عشان هيا بتحبك وعايزه ليك أحسن غذاء يفيد جسمك .
طبعا لو إنت بقى ما بتحبش شوربة العدس .. قضيها ديلفري وفكك من الكلام اللي فوق 😀
