كيفية تجنب مشاكل عسر الهضم فى رمضان بعد الفطار
![](https://blog.rosheta.com/wp-content/uploads/2017/06/19029192_1933701820175546_6302982868734817385_n.png)
كيفية تجنب مشاكل عسر الهضم فى رمضان بعد الفطار
كتير بيعانوا من مشاكل ليها علاقه بالمعده وعسر الهضم فى رمضان واللى بيخليهم يدورا على طرق تريحهم من ده .
المعده بيت الداء وهي بيت الدواء كمان ، عشان كده لازم تاخد بعين الاعتبار وانت بتعبيها بالأكل .
النصايح الضروريه عشان تتجنب مشاكل عسر الهضم فى رمضان بعد الفطار :
1. ابعد عن المقليات والأكل الدسم على الفطار وحاول التقليل منها لحد أدنى ممكن وامتصاص على قدر الامكان من زيوتها قبل أكلها .
2. كتر من الخضار والفاكهه على الفطار وحاول تكون طازه ومش مطبوخه بس .
3. كويس أنك تبدأ فطارك بالشوربه الدافيه وحبة التمر وكوبايه معتدله من الميه الفاتره أو الساقعه شويه صغيره ، وبعد كده تصلى المغرب وترجع بعد كده للأكل تانى .
4. بلاش تعبى جامد معدتك بالأكل .
5. أبعد عن شرب العصاير الصناعيه والمشروبات الغازيه على الفطار .
6. متكترتش فى شرب كميات الميه على الفطار واشربها باعتدال وبحراره معقوله لأن الميه الساقعه بتسبب كتير من التقلصات للمعده .
7. ممكن تنكه الميه بمية الورد أو مية الزهر .
8. اهتم بشرب اللبن اللى بيساعد على الهضم بعد ماتخلص وجبة الفطار أو تشرب كوباية يانسون دافيه .