كيفية زيادة نشاط الجسم بعد الفطار
كيفية زيادة نشاط الجسم بعد الفطار
المفروض ان وجبة الفطار بتعمل على تنشيط الجسم ولكن ايه العمل لو كنت مبتحسش بالنشاط بعد الفطار ؟ محتاج تعرف ازاى تزود نشاط الجسم بعد الفطار ؟ وتحدد كم مره حسيت بالأحساس ده لأن المفروض ان الأكل بيقدملك الطاقه الازمه لمنع الخمول ؟
خلونا نكتشف العوامل اللى بتسبب عدم نشاط الجسم فى شهر رمضان سواء كان السبب العوامل الغذائية ولا العاطفيه ، وتعتبر الفتره بعد الفطار هي فترة النشاط لينا بعد الأكل ولكن الشعور بعدم النشاط بعد الفطار بيقلل من انتاجيتك وبيخلى المهمه صعبه بالنسبالك وعندنا مجموعه من الاستراتيجيات اللى هتساعدك فى زيادة نشاط الجسم بعد الفطار .
أسباب ضعف نشاط الجسم بعد الفطار :
الطعام الغير صحي :
اللى بناكله ليه دور كبير ورئيسى فى ضعف نشاط الجسم بعد الفطار لأن بعض الأطعمه بتحفز من انتاج حمض التربتوفان اللى بيضعف نشاط الجسم وينتج الجسم السيروتونين وهو من الاحماض الامينيه ومن الاطعمه اللى ممكن تحطها على سفرة الفطار زى مثلا الديك الرومى ، البيض ، الفول الصويا ، التوفى ، الجبنه ، السبانخ ، السمك ، لما بتجهز وجبه دسمه على الفطار من العناصر دى بيضعف نشاط الجسم خالص .
عدم ممارسة التمارين الرياضية :
فى رمضان بتقلل معدل النشاط البدنى وفى ناس بتتخلى عن النشاط البدنى خالص وده اللى بيضعف طاقة الجسم واحنا محتاجين نحافظ على التحرك وممارسة التمارين الخفيفه بانتظام عشان نحافظ على مستوى طاقه جيد طول اليوم وبالتالى تقليل الشعور بالتعب وتحسين الحاله البدنيه وتوفير طاقة للجسم بعد الفطار.
مشاكل الجهاز الهضمي والعصبي :
احنا محتاجين الطاقه عشان نشتغل ، الجهاز الهضمى بيكسر الجلوكوز والافراج عن الأميلين والجلوكاجون وهرمون الكوليسيستوكينين والهرمونات دى هي المسئوله عن زيادة مستويات السكر فى الدم والشعور بالامتلاء وانتاج مستويات الأنسولين لمستويات الطاقه عندنا .
عادات نوم سيئة :
جزء من ضعف النشاط بعد الفطار هو عدم انتظام النوم فى رمضان خصوصا لما تاكل فطار دسم بتزود من الشعور بالاسترخاء
نقص العناصر الغذائية :
لما مبتاخدتش العناصر الغذائية اللى محتاجها الجسم فى وجبة الفطار ممكن يأثر على حركة الامعاء ومستوى الطاقه والشعور بالتعب لما بتاكل فى كل وجبه .
إنتاج الأنسولين :
الأكل اللى بناكله فى الفطار فى رمضان ممكن يأثر على انتاج الجسم الطبيعى للأنسولين وبعض الناس عندهم صعوبه فى انتاج الانسولين وهما الناس المصابين بمرض السكر ولو كنت كده يبقى انت احتمال تتصاب بالصداع وضعف النشاط بعد الفطار.
زيادة نشاط الجسم بعد الفطار :
1. تجنب الأطعمة مرتفعة الكربوهيدرات علي الفطار
2.ممارسة التمارين الرياضية الخفيفة لمدة 10 دقائق بعد الفطار زى تمارين التمدد
3. تناول الشاي الأخضر
4. تناول وجبة خفيفة بعد الفطار زى مكسرات عشان ترفع مستوى الطاقه
5. مضع اللبان الحار اللى بيحتوى علي عناصر محفزة لنشاط الدماغ وعدم الإستسلام إلي الخمول وضعف النشاط
6.تناول الفواكه والخضروات
7. إستنشاق الروزماري ممكن يكون ده غريب ولكن إستنشاق الروزماري بيدى دفعة لتحسين المزاج بمجرد فرك حفنة من عشب الروزماري بين ايديك ومحاولة إستنشاقها لأنه يبحفز عوامل للتنبيه في الدماغ
8. تناول المياه الباردة بأنك تبدأ بيها الفطار لأنها بتحفز الجسم علي النشاط والعمل علي حرق عدد بسيط من السعرات الحرارية
9. تناول وجبات صغيرة ومحاولة تقسيم كمية الأكل لوجبات أصغر عشان تحس بالإرتياح وممكن تقديم وجبة الفطار في أطباق أصغر عشان تخدع عقلك
10. الشوفان يعتبر من أفضل الاطعمه اللى بتعزز مستويات نشاط الجسم وكمان يبحتوي علي نسبة أقل من السكر وكمية مناسبة من الكربوهيدرات المعقدة الجيدة للجسم وكمان غني بفيتامين ب ومن المعروف أنه بيحسن مستويات الطاقة في الجسم
11. الجوز مصدر للبروتين النباتي وغذاء للدماغ لأنه يبحتوي علي نسبة عالية من أحماض أوميغا 3 الدهنية وبالتالي زيادة مستوي نشاط الجسم وكمان غني بالكالسيوم اللى بيعزز من مستوي طاقة الجسم
12. الموز من الفواكه الممتازه عشان تحس بالإنتعاش بعد الفطار لأنه بيحتوي علي الكربوهيدرات البسيطة ولكن مصدر فوري للطاقة اللي بتنشط الجسم ومصدر جيد للبوتاسيوم
13. شوربة العدس فهو غني بالأحماض الامينية والمعادن والفيتامينات
14. ماء جوز الهند واحد من أفضل المصادر لزيادة الطاقة فهي غنية بالمعادن الحيوية والفيتامينات اللي بتساهم في تسريع عملية التمثيل الغذائي للشخص وتوفير مستوي النشاط
15.سموثي العصائر ، ممكن تخلط الخضار الورقى والزبادى والتفاح والموز مع بعض وأى خضار انت عايزه عشان يكون السموثى صحى
16. الزبادي من الخطوات البسيطة اللى هتزود مستوى الطاقه عندك بعد الفطار وقبل ماتروح لصلاة التراويح وبيحتوي الزبادي علي الكالسيوم وفيتامين ب12 والبروتين وهي عناصر جيدة لزيادة نشاط الجسم .
