صحة الطفل

كيف تتعاملين مع بكاء طفلك الهستيري خارج المنزل ؟

لما بتخرجى وانتى واخده ابنك الصغير معاكى فى الاماكن العامه لوحدكوا او حتى مع حد من صحابك وفجأه تلاقى ابنك بيتصرف تصرفات غريبه علشان تنفذى ليه طلباته ولو كان صغير بقا مابين السنتين ل 5 سنين تلاقيه اشتغل فى العياط بشكل هستيرى ويخش فى نوبة غضب مزعجه ، واللى بيخليكى مضايقه اوى ومحرجه وتضطرى تنفذى طلباته علشان يهدى ويسكت.

امممم .. يعنى انتى كده بتتعرضى للأبتزاز العاطفى من ابنك ..

بتعتقد الامهات ان الابتزاز العاطفى مفهوم معقد بالنسبه للأطفال وان اطفالهم اكتر براءه من ممارسة السلوكيات دى لكن الحقيقه ان الاطفال بيمارسوا الابتزاز بشكل فطرى وطبيعى طول الوقت لاختبار حدودك وان الحدود دى قويه وحازمة فعلا ولا ان شوية عياط وشوية قلة أدب زى انه يرمى الحاجات على الارض ويصرخ او يقول كلام مش حلو قدام الناس علشان يحرجك أو حتى الابتزاز العاطفى انه يقولك انتى مش بتحبينى .. لو كنتى بتحبينى كنتى اعملى ده او اشترى ده .. كل التصرفات دى بتندرج تحت الابتزاز ولو استسلمتى مره هيتأكد ابنك بانه يقدر يتغلب على قوانينك واختراقها فى كل مره.

ازاى تواجهى الابتزاز العاطفى؟؟

1. لو طفلك الصغير اصيب بنوبة غضب فتأكدى الاول من السبب وانه فعلا بيحاول ابتزازك ولا هو تعبان ؟ لان الاطفال بتعانى ساعات من الخروجات الطويله وبيحتاجوا للراحه شويه ، وبيكون التعامل مع نوبة الغضب فى كل الحالات باننا نهديه ونسيب النوبه تخلص ومنستسلمش لرغباته ، ولو كان تعبان ممكن تساعديه وممكن يكون عايز ينام او تعب من المشى مسافات طويله او حتى جعان ، دايما خدى معاكى وجبات خفيفه صحيه تديله طاقه ، وتقعدوا شويه لحد مايهدى.

2. خليكى فاكره انك اكتر الناس خبره بطباع ابنك بتعرفى امتى بيتعب وايه اللى بيضايقه وايه اللى بيخوفه.

3. اكتبى القواعد فى ورقه واحتفظى بيها معاكى فى كل مكان قبل ماتخرجى من البيت واقريها بصوت عالى وكمان قبل ماتنزلى من العربيه او المواصلات والقواعد اللى لازم تكتبيها هيا :

– أنه يستجيب لطلبك من أول مرة.

– أنه يقبل كلمة لأ كإجابة.

– أنه ميرفعش صوته أويحدف الحاجات(أو أيًا كان السلوك السيء اللي متعود يعمله).

متفترضيش أنه يتحسن سلوكه فورا، بس ده على الأقل هيساعده مرة بعد التانيه.

هتتصرفى ازاى لو ابنك اساء التصرف؟؟

1. لو بدأ ابنك يسئ التصرف أو العياط خديه لمكان هادى واطلبى منه انه يبطل او هترجعوا البيت ولو فضل مستمر انهى الأمر فورا وارجعى البيت وبكدا هيفهم كويس نتيجة سلوكه الغلط.

2. لو كان ابنك صغير أوى امسكى ايديه واطلبى منه انه يهدى ولو استمر فى العياط سيبيه لحد ماتخلص نوبة الغضب وممكن كمان تعملى نفسك بتقرى كتاب او مجله علشان يفهم ان محاولته لجذب انتباهك مش مجديه ، ولو اكتشف انك مش مهتمه هيبطل يعمل الطريقه دى.

3. سيبيه فى البيت وفهميه انك مش هتاخديه معاكى لانه اساء السلوك فى المره اللى فاتت.

4. لما هتستسلمى لابتزاز ابنك كده هتعلميه ان الطريقه دى هيا طريقة حل المشاكل فمش هيحاول يدور على حلول تانيه لحل مشاكله وهيكبر وهيكون الشخص البالغ العصبى اللى بيعلى صوته وبيسئ التصرف مع مواجهة اى ضغوط.

لو عجبتكوا المقالة لايك وكومنت وشير .. وكمان شاركوني آرائكوا
#دكتور_مفيد
#روشتة_دوت_كوم
#الدواء_بقى_أونلاين

whatsapp

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى