لأم البنات .. 20 فكره للأستمتاع معهم
لأم البنات .. 20 فكره للأستمتاع معهم
يا بنات يا بنات يا بنات
اللي مخلفش بنات مشبعش من الحنيه وما دقش الحلويات …
كده قالت نانسى عجرم فى اغنيتها المشهوره لأن البنات حنينين وكلهم طيبين زى ماقالت سعاد حسنى فى اغنيه تانيه .. والبنت حبيبة امها ، عشان كده جمعت ليكوا النهارده بعض الافكار عشان تقضى وقت مميز مع بنوتك :
1_ اتعلموا حاجه جديده سوا ، متعلميعهاش حاجه انتى عارفاها ودورى على حاجه جديده بالنسبه ليكى واتعلموها سوا ، سواء عن طريق الاشتراك فى دورات تدريبيه أو من الانترنت والدروس المجانيه على اليوتيوب زى مثلا رقصات جديده أو استخدام ألوان الميه أو النحت .
2_ ارقصوا سوا حطى اغانيكوا اللى بتحبوها وارقصوا .
3_ اعملوا حفله تنكريه واستخدموا فساتينك وايشارباتك الملونه اللى مخبياها بعيد عن ايديها وتقدر ليوم واحد انها تحط روج .
4_ تزيين الكب كيك .. اعملى كب كيك وخليها تزينه وساعديها شويه .
5_ اهتمى بشعرها وخديها للكوافير وقصيه أو اعملى انتى كوافير فى البيت واعملى لشعرها حمام كريم وصففيه.
6_ حطى ليها المانكيير بالالوان اللى تختارها حتى لو اختارت لون مختلف لكل صوباع .
7_ اسمحيلها بانها تحط ليكى المكياج وطبعا اوعى تخرجى بعدها من البيت .. وممكن تتصورا للذكرى المضحكه وبعدين تقومى تجرى تغسلى الكارثه اللى عملتهالك 
?.
8_ اتصفحوا الانترنت سوا ودوروا على اللى هيا بتحبه زى مثلا مواقع بينترست ويوتيوب .
9_ اطبخوا سوا .
10_ اتصفحوا مواقع التسوق الالكترونى للملابس .
11_ العبوا سوا زى الكوتشينه أو بنك الحظ أو السلم والتعبان أو أونو .
12 _ حاولوا تجميع قطع بازل ضخم .
13 _ اصنعوا عمل فنى مش مكلف زى مثلا تلونوا برطمان فاضى وتحولوه لفازه مثلا .
14 _ اصنعوا الاكسسوارات باستخدام الخرز الملون والخيوط البلاستيك او خيط الصناره .
15 _ اتفرجوا على البومات الصور القديمه الخاصه بيكوا .
16 _ شاركيها حفلة شاى للعرايس والدبابيب .
17 _ اقروا سوا الشعر بصوت عالى .
18 _ اتصوروا سوا السيلفى المضحك .
19 _ ساعديها فى تزيين اوضتها .
20 _ قضوا يوم بره البيت لوحدكم واتمشوا سوا واتفرجوا على واجهات المحلات وكلوا الايس كريم .
21 _ اتفرجوا سوا على افلام الكارتون اللى بتحبها زى سنو وايت وسندريلا وغيرها .
22 _ وأهم حاجه فى الليله دى كلها انكوا تصلوا سوا وتعوديها على الصلاه من صغرها وتقروا وتحفظوا القران يوميا من غير مايعدى يوم واحد الا ولازم تقروا فيه القران وتحاولى تفسريه ليها على قد ماتقدرى .
#دكتور_مفيد
#روشتة_دوت_كوم
#الدواء_بقى_أونلاين
