لعب الاطفال الامن فى الصيف
لعب الاطفال الامن فى الصيف
الصيف على الأبواب ومفيش شك انكم متحمسين عشان تبدأوالخروج للجناين والمصايف واللعب مع ولادكم … يبقا لازم من اجراءات الامان للعب الاطفال بره فى الصيف :
1_ الوقايه من ضربات الشمس :
لازم كل الاطفال تلبس الطواقى الواقيه من الشمس فى كل الأوقات اللى بيلعبوا فيها بره بالنهار وده عشان التعرض المباشر للشمس بيسبب الاصابه بضربات الشمس اللى هيا خطيره جدا .
ودى أعراض ضربة الشمس :
مع ان ضربة الشمس ممكن تكون قاتله الا ان معرفة اعراضها الأوليه هتخليكم تقدروا تتصرفوا بسرعه لحماية الاطفال ، والاعراض الاوليه لضربة الشمس بتشمل العطس الشديد ، التعرق الشديد ، برودة الجلد مع التعرق ، ضيق النفس والاحمرار الشديد فى الوش .
2_ الاكثار من شرب السوايل :
لازم الاطفال يكتروا من شرب السوايل وخصوصا الميه وعصاير الفواكه الطبيعيه وخصوصا وقت اللعب بره البيت ، الحر فى الصيف بيسبب فقدان السوايل من الجسم بسبب العرق وده بيعرض ولادكوا للجفاف وضربات الحراره ، واهتموا ان متكنش السوايل دى اللى بيشربها الاطفال متلجه والا هيتعرضوا للأمراض .
3_ وقاية البشره من أشعة الشمس :
ممكن يسبب اللعب بره بحروق الشمس بسبب الحراره والاشعة فوق البنفسجيه ، لازم تختاروا كريم واقى للشمس بدرجة حراره عاليه وتحطوه على بشرة الطفل وأى مناطق مكشوفه من جسمه على الأقل كل ساعتين .
4_ الانتباه وقت السباحه :
كتير أوى بيندمج الاطفال فى السباحه لدرجة انهم بينسوا نفسهم وبيتصابوا بضربات الشمس وحروق الشمس ، وهنا بقى يجى دور الكبار فى المتابعه والمراقبه والعنايه الجامده باجراءات الامان كلها .
5_ الحمايه من الغرق وقت السباحه :
بينسى الكبار نفسهم هما كمان على الشاطئ أو فى حمام السباحه ، متنسوش ولادكوا وأهتموا بانهم يكونوا فى أمان وقت السباحه وممكن يستخدموا العوامات أو بالونات السباحه وميتسبوش فى حمام السباحه من غير مراقبه ونخلى بالنا انهم ينزلوا حمام السباحه المخصوص لأعمارهم .
