مبطلات الصوم
مبطلات الصوم
الصيام فى رمضان هو الامتناع عن الأكل والشرب وغيره من الشهوات ، لكن فى حاجات تانيه تعتبر من المفطرات يمكن ناس كتير ميعرفوش عنها حاجه ، تعالو نتعرف على مبطلات الصوم .
مبطلات الصوم كتيره ويمكن بيغفل عنها بعض الناس ،يقول الرسول صلى الله عليه وسلم : “قال الله: كل عمل ابن آدم له إلا الصوم فإنه لي وأنا أجزي به” فلو كان خص الله الصوم بالتخصيص ده من الأجر يبقى على المسلم انه ميتهاونش فى تحقيق الصوم الصحيح ويبعد عن كل مايحتمل انه يفسد صومه ، عشان كده لازم على المسلم فى نهار رمضان أنه يبعد عن مبطلات الصوم عشان ياخد الأجر كامل ومينقصش من أجره حاجه .
اتعرف معايا دلوقتى على مبطلات الصوم :
1. الجماع :
طبعا دى من الحاجات اللى بتبطل الصوم لقاء الرجل والمرأه فى نهار رمضان ، وده من أشد مبطلات الصوم لأنه يستوجب القضاء والكفاره ، يعنى لازم تصوم 60 يوم غيره بعد رمضان ، وفي الحديث الشريف أن رجلاً أتى رسول الله فقال له: “هلكت يا رسول الله، قال: وما أهلكك؟ قال: وقعت على امرأتي في نهار رمضان، قال: قال: هل تجد ما تعتق رقبة؟ قال: لا قال: فهل تستطيع أن تصوم شهرين متتابعين؟ قال: لا، قال: فهل تجد ما تطعم ستين مسكيناً؟ قال: لا، قال: ثم جلس فَأُتِيَ النبي صلى الله عليه وسلم بعَرَق (إناء) فيه تمر، قال: تصدق بهذا. قال: أَعَلَى أفقرَ منا؟ فما بين لابَتَيْها (أي في المدينة المنورة) أهل بيت أحَوَجَ إليه منا، فضحك النبي صلى الله عليه وسلم حتى بدت نَواجِذُه، وقال: اذهب فأطعمه أهلك “.
يبقى نفهم من الحديث ان الجماع فى نهار رمضان من أهم مبطلات الصوم .
2. الأكل والشرب متعمدا :
مفيش شك ان الصوم هو الامساك عن شهوة البطن والفرج من طلوع الشمس لغروبها عشان كده الأكل متعمد فى نهار رمضان من مبطلات الصوم ولازم تقضى يوم غيره وده باتفاق العلماء وبالاجماع ، اما اللى فطر سهو أو ناسى فصومه صحيح وميعتبرش الأكل بالسهو من مبطلات الصيام ، لقوله صلى الله عليه وسلم: “رفع عن أمتي الخطأ والنسيان وما استكرهوا عليه” صدق رسول الله صلى الله عليه وسلم .
3. الأدويه اللى بتغذى الجسم :
من الحاجات اللى بتبطل الصوم الأبر اللى بتغذى الجسم وبتمده بالطاقه والقوه والحقن زى الفيتامينات وغيرها لأن دى تعتبر من مبطلات الصوم أدام بتمد الجسم بالغذا أو اللى شبه الغذا أما الحقن اللى متعتبرش غذا للجسم متعتبرش من المفطرات ولا تعتبر من مبطلات الصوم.
4. القئ العمد :
من مبطلات الصوم كمان القئ العمد زى مثلا تحط صوباعك فى زورك عشان تتقيأ أما القئ الغير متعمد عادى ومفيش ذنب عليه ولا يعتبر من مبطلات الصوم ، قال الرسول صلى الله عليه وسلم: “لا أفطر من قاء ولا من احتلم ولا من احتجم”، وعن أبي هريرة رضي الله عنه أن النبي صلى الله عليه وسلم قال: “من ذرعه القيء، فليس عليه قضاء، ومن استقاء فليقضِ”
5. الحيض والنفاس للمرأه :
قدام حصل حيض أو نفاس للمرأه يبقى لازم تفطر اليوم ولو اكتشفت الدم فى نهار رمضان يعتبر ده من مبطلات الصوم وعليها انها تقضى يوم مكانه انما لو شافته بعد المغرب فيومها اللى صامته صحيح .
