مخاطر استخدام الاطفال للهاتف المحمول
مخاطر استخدام الاطفال للهاتف المحمول
الابهات والامهات بيغلطوا ويسيبوا الموبايلات فى ايدين ولادهم لأوقات طويله وحتى ساعة النوم وده ليه اضرار صحيه كتيره اكيد…
وتعتبر اول الدراسات اللى ركزت على اضرار الموبايل على الاطفال الصغيرين وهيا دراسه سويديه اجريت سنة 2000 والدراسه دى وضحت ان الاطفال اللى بيستخدموا الموبايل فترات طويله بيكونوا معرضين اكتر من غيرهم من الاطفال للأصابه باورام المخ لانه بيزيد استخدام الموبايل واللى بيخرجه من اشعاعات على نمو الخلايا السرطانيه فى المخ والدراسه دى استمرت لمدة 10 سنين وخضع ليها عدد كبير من الاطفال منهم اللى بيستخدم الموبايل ومنهم اللى مش بيستخدمه وتم التوصل على ان الاطفال اللى بيستخدموا الأجهزه دى بتحصل ليهم الكتير من التغيرات السلبيه فى جسمهم وبيزيد احتمال اصابتهم بالسرطان.
وفى دراسه تانيه اتعملت فى جامعة سعود فى المملكه العربيه السعوديه وضحت ان الاطفال اللى بيستخدموا الموبايل لاوقات طويله بيعانوا من بعض المشاكل الصحيه اللى بتأثر على نشأتهم وتعليمهم ، وبعض الباحثيين قاموا ببحث عدد من الاطفال اللى بيستخدموا الاجهزه الذكيه دى وأكدوا ان الاطفال دول بيعانوا من الصداع المستمر والارهاق والكسل وقلة النشاط طول اليوم وكمان اضطراب فى النوم وضعف النمو مقارنه بغيرهم وممكن يتطور الموضوع للأصابه بالسرطان فى المخ عند بعض الاطفال.
ومتوقفتش الدراسات لحد كدا .. كمان فى دراسه امريكيه فى جامعة فرجينيا ووضحت ان مخاطر الاصابه بأمراض الدماغ بتزيد عند المراهقين لأن الموجات الكهرومغناطيسية الموجوده فى الموبايل بتتوغل فى راس المراهقين وده بيخليهم معرضين لكتير من الامراض الصحيه الخطيره.
وفى دراسه تانيه اتعملت فى معهد تشخيص الاعصاب والدراسه قالت ان اجراء الطفل لمكالمه واحده من الموبايل لمدة دقيقتين بس بتخلى موجات الموبايل تتوغل فى نص الدماغ بالظبط ومش فى الودان ، وده بيدينا فكرة ان اد ايه الاضرار اللى ممكن تسببها الهواتف الذكيه للأطفال.
قواعد استخدام الاطفال للهواتف المحموله :
1. انه مينفعش يستخدم الاطفال اللى أقل من 8 سنين الموبايل ومتكنش جنبهم لفترات طويله حتى لو الأهل هما اللى بيستخدموها.
2. لازم الموبايل يفضل بعيد على أد مانقدر عن المكان اللى موجود فيه الاطفال والحوامل.
3. ان الاطفال الصغيرين ميستخدموش الموبايل وخصوصا فى المكالمات لفتره طويله ولازم متزدتش المكالمه عن دقايق معدوده وبس.
4. لازم منحطش الموبايل بشكل مباشر على الودان ويعتبر استخدام السماعات او الهاند فرى حل ذكى علشان نتجنب قرب الموبايل من الودان والدماغ بشكل مباشر علشان نقلل الضرر الناتج عن الاشعاعات اللى خارجه منه.
