وصفات طبيعيه لعلاج تشققات الكعبين

ستات كتير اوى بتشتكى من تشققات الكعبين واللى بيخليهم يدورا على طرق كتير عشان يرجعوا رطوبة المنطقه دى ونعومتها .

عندك حالا خيارات مختلفه ووصفات طبيعيه لعلاج تشققات الكعبين وأولها بيبدأ من تقشير الكعبين وفركهم والتخلص من الجلد الميت وبعد كده وضع خلطات طبيعيه للتنعيم .

ودى وصفات طبيعيه لتنعيم الكعبين :

_ قلبى معلقة كبيره جليسرين مع معلقه كبيره زيت جوز الهند ومعلقه كبيره من السكر البنى وافركى الرجلين بالخليط ده وبعدين البسى شراب بلاستيك لمده متقلش عن ساعه وبعد كده اشطفيه بالميه الدافيه وبعدين الساقعه وحطى بعد كده طبقة فازلين .

_ قلبى معلقه كبيره زيت جوز الهند مع معلقه كبيره زيت زيتون ومعلقه صغيره ملح خشن وافركى الرجلين بالخليط ده واستنى نص ساعه واشطفى رجليكى بالميه الدافيه وبعدين الساقعه ورطبى بالفازلين .

_ قلبى معلقه كبيره من مستخلص الصبار مع معلقه كبيره زيت زيتون ورطبى بالخليط ده الكعبين لمده متقلش عن ساعتين وبعدين اشطفيه بالميه الدافيه وبعدين الساقعه ورطبى بمرطب الكعبين .

_ قلبى معلقه كبيره زيت لوز مع معلقه كبيره زيت جوز الهند ورطبى الرجلين بالخليط ده لمده متقلش عن ساعتين وبعدين اشطفيه بالميه السخنه وبعدين الساقعه وبعد كده رطبى بالمرطب .

#دكتور_مفيد
#روشتة_دوت_كوم
#الدواء_بقى_أونلاين