اسباب سرطان المرارة وطرق علاجه
سرطان المراره هو السرطان اللى بيدأ فى المراره ، والمراره عضو صغير على شكل كمترا على الجنب اليمين من البطن تحت الكبد ، وهيا مخزن للعصاره الصفراويه والسايل الهضمى اللى بينتجه الكبد.
سرطان المراره مش شائع ولما بيتم اكتشاف سرطان المراره فى مراحله المبكره بتكون فرص علاجه كويسه اوى ، لكن معظم سرطانات المراره بيتم اكتشافها فى مراحلها المتأخره واللى بيخلى الموضوع فى كتير من الاوقات سيئ جدا.
سرطان المراره من الصعب تشخيصه لانه فى كتير من الاوقات مبيسببش اى علامات او اعراض محدده ، ومن اعراض سرطان المراره وجع فى البطن ، انتفاخ البطن ، الحكه ، حمى ، فقدان الشهيه ، فقدان الوزن ، الغثيان ، اصفرار الجلد وبياض العينين.
أسباب سرطان المراره :
مفيش حاجه واضحه بتسبب سرطان المراره ، الدكاتره بيعرفوا سرطان المراره لما بيحصل لخلايا المراره تطور وتغيرات فى الحمض النووى والطفرات دى بتخلى الخلايا بتنمو خارج نظاق السيطره ، والخلايا المتراكمه بتشكل الورم اللى ممكن انه ينمو ورا المراره وينتشر فى مناطق تانيه من الجسم.
بيبدأ معظم سرطان المراره فى الخلايا الغديه اللى بتبطن السطح الداخلى للمراره والنوع ده من السرطان فى المراره بيشير للطريقه اللى بتظهر الخلايا السرطانيه لما بيتم فحصها تحت المجهر.
العلاجات والأدويه :
الخيارات المتاحه لعلاج سرطان المراره بتعتمد على مرحلة السرطان والصحه العامه والتفاصيل الخاصه بالحاله ، والهدف الأول من العلاج هو ازالة سرطان المراره لكن لما بيكون ده صعب بيكون فى علاجات تانيه بتساعد فى السيطره على انتشار المرض.
العملية الجراحية لسرطان المرارة في مرحلة مبكرة:
ممكن تكون الجراحه خيار لو كان عندك سرطان المراره فى مرحله مبكره وتشمل الخيارات :
1. عمليه جراحية لإزالة المرارة:
بيتم التعامل مع سرطان المراره فى وقت مبكر باجراء عمليه جراحيه لاستئصال المراره.
2. عملية جراحية لإزالة المرارة وجزء من الكبد:
بيتم التعامل مع سرطان المراره اللى بيمتد للى ورا المراره والكبد فى بعض الاحيان بعمليه جراحيه لازالة المراره وكمان اجزاء من الكبد والقنوات الصفراويه اللى بتحيط بالمراره.
علاج سرطان المرارة في مرحلة متأخرة:
العمليه الجراحيه مش ممكن تكون علاج لسرطان المراره اللى انتشر لمناطق تانيه من الجسم وفى الحاله دى بيستخدم الدكاتره العلاجات اللى بتخفف من العلامات والاعراض وتخلى الجسم مرتاح قدر الامكان.
وممكن تشمل الخيارات :
1. العلاج الكيميائي: العلاج الكيميائي هوه العلاج اللي بيستخدم فيه المواد الكيميائية لقتل الخلايا السرطانية.
2. العلاج الإشعاعي: بيستخدم حزام رفيع من إشعاع الطاقة، زى الأشعة السينية، لقتل الخلايا السرطانية.
3. التجارب السريرية: التجارب السريرية بتستخدم الأدوية التجريبية أو الأدوية الجديدة لعلاج سرطان المرارة، وعليك انك تتكلم مع الدكتور بتاعك علشان تعرف لو كنت مؤهل للمشاركة في التجارب السريرية.
إجراءات لتخفيف انسداد القنوات الصفراوية:
المراحل المتقدمة من سرطان المرارة ممكن تسبب انسداد فى القناه الصفراويه واللى بيسبب الكتير من التعقيدات ، واجراءات علشان تخفيف الانسداد ممكن تساعد مثلا ان الجراحين يحطوا انبوب معدنى مجوف اللى هيا الدعامه يعنى فى القناه أو العمل جراحيا لتغيير مسار القناة الصفراوية حولين الانسداد.
لو عجبتكوا المقالة لايك وكومنت وشير .. وكمان شاركوني آرائكوا
#دكتور_مفيد
#روشتة_دوت_كوم
#الدواء_بقى_أونلاين
