الاسنان اللبنيه لدى الاطفال وكيفية العنايه بها
الاسنان اللبنيه لدى الاطفال وكيفية العنايه بها
المحافظه على الاسنان اللبنيه مهمه جدا من اول ظهورها….اهم النصائح للوقايه و المحافظه:
1.اول ظهور للاسنان بيكون فى سن 4 شهور لسن 6 شهور وتتوالى الاسنان فى الظهور لحد سن السنتين بنبدأ نحط فرشاة اسنان صغيرة فى ايد الطفل طول الوقت كانها لعبة وفى انواع فيها عضاضة والهدف من كده تعويد الطفل على شكل الفرشاه ومسكها.
2.من 4 الى 6 شهور لازم نهتم بمسح الاسنان بقطعة شاش نضيفة ومبلولة بمية وخاصة بليل قبل النوم.
3.بعد 6 شهور نعود الطفل على شرب الميه بعد اى أكل او شرب.
4.بعد شوية نعود الطفل على المضمضه بالميه بعد كل اكل ونغسل سنانه بالفرشاة من غير معجون لحد سن سنتين.
5.بعد سن السنتين نبدأ بغسيل الاسنان كل يوم بليل بمعجون خالى من الفلورايد ..طبعا في السن ده يكون بمساعده الوالدين.
6.من سنتين ونص ممكن الطفل يغسل سنانه بنفسة علشان ندعم ثقتة بنفسة وبعدين نرجع احنا نعيد عليها تانى.
7.وطبعا القدوة مهمه جدا ..الاب و الام يغسلوا اسنانهم مع اطفالهم و يعلموهم الطريقه الصح للغسيل و يستمر غسيل الاسنان من 3 الى 5 دقايق.
8.طبعا مننساس المكافئة وكلام التشجيع علشان ده هيديهم حافز انهم يستمروا وتبقى عادة كويسة ميعرفوش يناموا من غير غسيل سنانهم.
9.فى حالة ان الطفل اشتكى من اى حاجة حتى ولو بسيطه لازم نروح لدكتور الاسنان ونعرف السبب والعلاج.
10.شائع كمان للأسف اهمال علاج الاسنان للطفل بحجة انها هتتبدل لازم نغير الاعتقاد ده لانه هيكلفنا كتير فى المستقبل اضعاف الاموال لعلاج اثار الاهمال قبل كدا.
اتمنى ليكم و لاطفالكم كل الصحه و السعاده…ودائما الوقايه خير من العلاج …..
