الحفاظ على اللثه صحيه وأسنان جميله
الحفاظ على اللثه صحيه وأسنان جميله
لو كنت دايما بتعانى من مشاكل فى اسنانك واللثه وعايز بأى شكل تحلها .. اتبع النصايح دى وهتنعم بلثه صحيه واسنان جميله :
غسول الفم ، الخيط وفرشة السنان :
استخدم الخيط الأول لان ده بيخلى تنضيف السنان بالفرشه اكتر فاعليه لانه بيزيل المواد الغذائيه العالقه بين السنان وبعد كده نضف السنان بالفرشه براحه ومتنساش تشطف فمك بغسول الفم المضاد للبكتيريا وده مهم جدا وهيساعدك فى التخلص من اى بقايا فى فمك .
تأنى فى استخدام عود السنان :
لو مكنش عندك خيط فممكن تستخدم عود السنان اللى بيزيل الاكل العالق بين السنان بس اعمل ده براحه لانه سهل وانت بتضغط قوى على اللثه انك تضرها واستخدم عود السنان تحت خط اللثه ، الخيط هيساعد على ازالة الاكل من بين السنان بشكل أفضل وبيحارب تراكم الترسبات عن طريق التخلص من البكتيريا اللى بتتشكل هناك
استبدل فرشة السنان :
عشان تحافظ على ابتسامتك مشرقه استبدل فرشة السنان اليدويه كل 3 أو 4 شهور ولو كنت بتستخدم فرشة السنان الكهربا اتبع نصايح الشركه المصنعه ، وفى حالة مرضك اتسبدل فرشة سنانك فى بداية ونهاية مرضك .
التغلب على الخوف من طبيب الاسنان :
لو كنت من اللى بيحسوا بالقلق والخوف من طبيب السنان ، قبل اى حاجه قوم بالتواصل مع طبيب الاسنان لانه فاهم مخاوفك وهيساعدك فى التغلب عليها وحاول انك تلاقى حل بنفسك زى انك تسمع الموسيقى عند الطبيب لان ده هيساعدك فى التغلب على خوفك .
صودا الخبز :
لو كنت بتحب القهوه او غيرها من المشروبات والاكل اللى بيأثر على لون السنان حاول تنضيف سنانك بصودا الخبز مرتين فى الشهر ، بالظبط زى مابتستعمل معجون السنان واشطفه وبعدها اشطف فمك بغسول الفم عشان تحصل على نتيجه مذهله .
أطعمه تلطخ الاسنان :
بنوصى بتنضيف السنان كويس بعد الأكل اللى بيغير لون السنان زى العنب البرى والقهوه والسجاير وللمساعده فى تقليل تصبغ السنان افرك سنانك بالفرشه وبعد كده اقطم تفاحه او كمترا او جزر او كرفس ، كلهم بيحفزوا انتاج اللعاب واللى بيساعد على الحفاظ على سنانك ناصعة البياض .
ضبط ارتجاع الحمض المعدى :
لو كنت بتعانى من ارتجاع الحمض المعدى وعايز تسيطر عليه وعشان تحافظ على مينا السنان وصحة الفم والاسنان اتجنب الاكل والمشروبات اللى بتسبب الارتجاع زى الكحول والمشروبات اللى بتحتوى على الكافيين زى الصودا والقهوه والشاى والثوم والبصل ومنتجات الالبان والطماطم والحمضيات والنعناع والاكل المقلى .
العنايه باللسان :
فى كل مره تنضف فيها سنانك خلى وقت اضافى لتنضيف لسانك كمان لانه بيستضيف البكتيريا اللى بتحفز رائحة الفم الكريهه عشان كده فرك او استخدام مكشطة اللسان يوميا هتساعد فى الحد من المركبات المسببه للرائحه .
ادويه بتسبب جفاف الفم :
بيحتاج فمك للعاب عشان يكون بصحه جيده ولكن مئات الادويه زى مضادات الاكتئاب وادوية ضغط الدم المرتفع ومضادات الهيستامين ممكن انها تجفف اللعاب ، الدوا هو السبب الاكتر شيوعا لجفاف الفم وللمساعده على ابقاء فمك رطب وزيادة السوايل فى جسمك اسأل طبيب الاسنان عن منتج اللعاب الاصطناعى او مضغ اللبان الخالى من السكر بعد تناول وجبه .
#دكتور_مفيد
#روشتة_دوت_كوم
#الدواء_بقى_أونلاين
