الحالات الطبية

العناصر الغذائية الازمه للحفاظ على البصر

العناصر الغذائية الازمه للحفاظ على البصر

لو كان نفسك تحافظ على نظرك ويكون حاد وكويس فى سن الستين والسبعين وحتى التمنين فكل اللى عليك انك تضيف عناصر غذائيه لحمايتك كل يوم فلو حافظت عليها بشكل منتظم هايحمى عيونك من الهلاك.
العناصر الغذائية اللى لازم ناكلها علشان نحافظ على البصر هيا :
1- الأحماض الدهنية أوميجا3 : الاوميجا 3 من العناصر الروعة لصحة العيون لانها بتحمى العين من مشاكل صحية مختلفة وبتخليها رطبة ولينه وكمان بيحمى من تطور حالات جفاف العين وبيقلل فرص الإصابة بالجلوكوما والاميجا 3 موجود فى الأسماك البحرية ، المكسرات وبذور الكتان.
2- فيتامين أ : موجود فى الجزر ، السبانخ ، الطمام ، البرقوق والمانجا ، بيعمل على حماية الرؤيه بشكل كويس وكمان مضاد للأكسدة اللى بتحمى البصر من التدهور.
3- فيتامين سي : موجود فى البرتقال ، الجريب فروت والفلفل الحلو ، وفيها مضادات اكسدة قوية اللى بتحمى الخلايا البصرية من التدمير وبيقلل حدوث إعتام لعدسة العين.
4- فيتامين إ : موجود فى الزبادي ، اللحوم الحمرا ، الحمص والمحار اللى بيحموا الانسجة من التلف ويمنع التعرض لحدوث إعتمام عدسة العين .

ودى بعض الخطوات اللى لازم نتبعها علشان نحافظ على سلامة وصحة العيون :
1- الفحص المستمر عند دكتور العيون.
2- نلبس النظارات الشمسية لما بنتعرض للشمس وخصوصا وقت الضهر.
3- نظافة العيون باننا لازم نتاكد من نظافة ايدينا عند لمس او فرك العيون علشان نحافظ على سلامتها من البيكتريا او تلوث او اى تراب.
4- منقعدتش وقت طويل قدام الشاشات زى التليفزيون والكمبيوتر لانها ممكن تسبب ضعف النظر.
5- نشرب ميه كتير لان الميه بتعمل على ترطيب اجزاء الجسم المختلفة حتى العيون.
6- الإضاءة لازم تكون كويسه لما نيجى نقرأ وكمان منقراش لفترات طويلة لانه بيجهد العين.
7- نحافظ على تناول الاكل الصحى اللى قولنا عليه فوق وزى كمان منتجات الالبان والسبانخ والخس والجزر والبطاطا والشكولاتة الغامقة والتوت وكمان الزنك اللى بيساعد فى امتصاص مضادات الاكسدة.
8- تمارين مفيدة للعيون :
1. ممكن تمسك قلم وتحطة قدام عينيك فى مستوى الانف وبعدين تبعده لاخر مدى لأيديك مع التركيز وتكرر العمليه دى كذا مرة.
2. ممكن تاخد وضع النظر لقدام وتحرك عينيك بس من غير الرأس اقصى اليمين واقصى الشمال مع التكرار.
3. نتسخدم كمادات الميه السخنه وبعدين الساقعه علىى العينين او كمادات الشاى كمان.

#دكتور_مفيد
#روشتة_دوت_كوم
#الدواء_بقى_أونلاين

 

whatsapp

مقالات ذات صلة

زر الذهاب إلى الأعلى