انواع النظارات الطبيه وطرق تنظيفها
انواع النظارات الطبيه وطرق تنظيفها
النضارة الطبية بتعتبر احسن وسيلة نصلح بيها مشاكل الابصار فى العين زى طول النظر وقصر النظر وكمان بنستعملها فى علاج بعض حالات الحول او بعد جراحة الميه البيضا ، طيب ياترى فكرتوا ازاى النضاره بتتصنع وايه هيا انواعها وايه افضلها … تعالو معايا نشوف :
فى انواع للعدسات مستخدمه فى النضارة الشمسية والطبيه على حد سواء :
1. عدسات الزجاج : وبتكون تقيله فى وزنها وممكن تنكسر بس مش قابلة للخدش وبتدينا وضوح اكتر.
2. عدسات البلاستيك : خفيفة فى وزنها وصعب تنكسر بس عيبها انها قابلة للخدش وهيا من اكتر العدسات المنتشرة.
3. عدسات متعددة الكربونات :
هيا نوع من انواع العدسات البلاستيك مصنوعة من الكربونات وليها مقاومة عاليه ومتينه جدا.
4. عدسات تري فكس “Trivexlenses”:
هيا كمان نوع من انواع النضارات المصنوعه من البلاستيك الحديث وليها نفس خصائص العدسات المصنوعة من الكربونات وبتتميز بانها خفيفة فى وزنها ورقيقة فى سمكها وليها مقاومة عاليه وممكن انها تؤدى لتصحيح نظر بشكل احسن من العدسات المصنوعة من الكربونات.
5. عدسات لا كروية :
العدسات دى بتختلف عن العدسات التقليدية اللى بتكون كروية فى الشكل لكن العدسات دى بتكون شبة كروية من ناحية الرؤية وعدساتها ارق واكتر انبساط من اى عدسات تانيه.
6. العدسة المتلونة بالضوء :
العدسات دى بتتصنع من الزجاج او البلاستيك والعدسات دى بتغير لونها للون الغامق لما بتتعرض لأشعة الشمس وده بيلغى اننا نحتاج لنضارة شمس والنضارة دى مش بتتحول للون الغامق جوة العربيه لان الازاز الامامى بيمنع مرور اشعة الشمس.
7. العدسات الشمسية المستقطبة :
بتكون مصنوعة من عدسات مستقطبه وبتتميز بتخفيف انعكاس الضوء على الحاجات بدرجة كبيرة زى الضوء المنعكس من الميه علشان كدا بتكون مفيدة للاعبين الالعاب الرياضية وسواقة المركبات.
تعالو بقا نشوف ازاى ننضف النضارة الطبيه بتاعتنا :
احسن طريقة للعناية بالنضارة الطبيه هى غسيل النضارة بالميه الدافية والصابون او اى سائل منظف وبعدين نشطفها بالمية وننشفها براحه بقماشة قطن.
