تعرف على 10 معلومات خطيره عن الغده الدرقية
تعرف على 10 معلومات خطيره عن الغده الدرقية
ودلوقتى هعرفكوا على 10 حقايق علميه عن الغده الدرقيه لازم نعرفها عشان نتفادى الاصابه بأى مرض متعلق بيها او استشارة الطبيب اول مانحس بأى قصور او نشاط زياده فيها :
1. الغده الدرقيه هي غده على شكل فراشه موجوده فى وسط الرقبه وبتسيطر على عملية التمثيل الغذائى والطاقه وبتلعب دور رئيسى فى اداء الكتير من اجهزة الجسم بما فيها القلب ، المخ ، الجلد ، ده غير كمان انتاج الكتير من الهرمونات المسؤوله عن نقل الطاقه لكل خلايا الجسم الحيويه .
2. بتشمل اعراض قصور الغده الدرقيه زيادة الوزن ، والتعب وكمان الامساك ، الاكتئاب ، انخفاض درجة حرارة الجسم ، اضطرابات النوم ، صعوبة التركيز ، احتباس السوايل فى الجسم ، تساقط الشعر ، العقم ، الام المفاصل وحساسية الضوء .
3. أكتر من 30 مليون امرأه و15 مليون رجل حول العالم بيعانوا من قصور الغده الدرقيه .
4. يعتبر التهاب الغده الدرقيه المزمن واللى معروف بأسم “التهاب هاشيموتو” أو “داء هاشيموتو” الحاله الاكتر شيوعا لقصور الغده الدرقيه وهو من أمراض المناعه الذاتيه واتسمى كده نسبة للدكتور اللى اكتشفه وهو مرض بيخلى خلايا الجسم تهاجم الغده الدرقيه وهو أول مرض مناعى تم اكتشافه بسبب التهاب الغده الدرقيه .
5. يعتبر “هاشيموتو” واحد من امراض المناعه الذاتيه الاكتر شيوعا حول العالم .
6. يرتبط قصور الغده الدرقيه بأعراض ممكن يجهل البعض ارتباطها بيها ويعتبروها امور عاديه زى الارق ، الارهاق ، الامساك ، واللى فى العاده بياخدولها ناس كتير ادويه تقليديه معروفه وده بيكبر المشكله اكتر .
7. بينصح الاطباء عادة اصحاب التاريخ المرضى مع الغده الدرقيه او اللى بيعانوا منها بتجنب الغلوتين الموجود فى القمح ومشتقاته مع التركيز على تناول الفيتامينات والمعادن الداعمه للغده الدرقيه زى فيتامين “D”، الحديد، السيلينيوم والزنك.
8. بيحتاج بعض الناس فى كتير من الاوقات للمواظبه على تناول علاج لقصور الغده الدرقيه مدى الحياه لكن يكون تحت اشراف طبى لضبط الجرعات .
9. من أهم الهرمونات اللى بتنتجها الغده الدرقيه هرمون تريودوثيرونين “T3″، وهرمون الغدة الدرقية “T4″، وهما الاتنين بينظموا عملية الايض ويعرف دوا الغده الدرقيه الاكتر شعبيه ليفوثيروكسين وهو مسؤول عن تعويض هرمون الغدة الدرقية “T4” بالجسم.
10. هرمون “T4” هو هرمون غير نشط عادة، والهرمون المسؤول عن النشاط والطاقة هو هرمون “T3″، الا ان اجسامنا بطبيعتها بتقوم بتحويل “T4” إلى “T3″، والموضوع ده بيخليه منتهى الاهميه ، وبيعانى ناس كتير من مشكلة مع التحويل ده وده بيرجع للاجهاد ، الاختلالات الهرمونية، مشاكل الأمعاء، ونقص التغذية.
