خطوات تقريب العائله فى رمضان

رمضان فرصه كبيره للى عايزين التقارب عائليا ووجدانيا ويخليك تستغل الشهر ده فى حالة لو كان فى مشاكل عائليه معينه .

العزومات هي المفتاح الرئيسى وهنتكلم عنها ، لكن الخطوه الأساس هي صناعة أجواء منزليه حميميه لتقريب أفراد الأسره .

ودى بعض الخطوات اللى هتساعد على تقريب العيله من بعضها فى رمضان :

1. خلى عمايل الأكل يكون طقس عائلى مشترك ، بمعنى ، خلى مثلا اللى يقطع الخضار واللى يعمل العصير واللى يراقب الحله على النار وهكذا .

2. خلى وقت الأكل مناسبه حميميه لاجتماع أفراد العيله كلهم ومتسمحش لأى كان منهم يشيل أكله ويمشى بعيد انما اجمعهم كلهم حولين السفره .

3. العزايم حاجه كويسه مبالك بقا لو لناس بتحبها العيله كلها زى الجد والجده والخاله ، بس أهتم ميكنش التوقيت فى أيام مليانه مشاحنات بين أفراد العيله وانتهز أوقات الهدوء والصفا .

4. خلى من وقت الفرجه على المسلسلات فرصه للعيله عشان يقعدوا كلهم ويقضوا وقت حلو ، وخلى القطايف مثلا وقت الفرجه على المسلسل وخلى واحد من افراد الأسره يعمل القهوه وهكذا وأعمل اجواء عائليه ممتعه فى وقت الفقره الفنيه بليل .

5. العبادات فرصه تانيه للتقارب العائلى ، صلاة الجماعه واحده من الفرص دى ، وتقدر كمان تاخد العيله معاك للجامع وهتكون فرصه كويسه عشان تقضوا أوقات ايمانيه وهتقرب العيله من بعضها .

6. تقدر كمان تعمل الخير جماعى ومفيش مانع انك تاخد عيلتك معاك عشان توزعوا الصدقات أو الأضاحى أو زيارة مراكز الايتام ودور العجزه وغيرها .

#دكتور_مفيد
#روشتة_دوت_كوم
#الدواء_بقى_أونلاين