رجيم مابعد الولاده لشد البطن
رجيم مابعد الولاده لشد البطن
الستات بتعانى من السمنه بعد الولادة سواء كانت طبيعى ولا قيصرى بسبب زيادة وزنهم فى فترة الحمل وانهم محاولوش يستشيروا اخصائى تغذية فى الفترة دى وكمان عضلات البطن بتترهل بسبب الحمل ، وفى المقالة دى هقدملك رجيم لشد البطن بعد الولادة :
بس الاول لازم تعرفى شوية النصايح دى وتحاولى تنفذيها لانها هتفرق معاكى كتير :
1. اشربى لترين ونص ميه وخصوصا لما تيجى ترضعى.
2. اشربى اللبن الخالى الدسم والمشروبات الطبيعية من غير سكر.
3. كلى فاكهه وخضار بين الوجبات خصوصا التفاح والخرشوف والفواكهه اللى فيها نسبة الحديد عالية.
4. ممارسة الرياضة الخفيفة لمدة 10 دقايق كل يوم بعد اول اسبوعين من الولادة.
5. رضعى طفلك رضاعة طبيعية لانها بتساعد على حرق الدهون فى الجسم وخصوصا دهون البطن.
6. كلى قطعة واحدة من الجاتوه او الشكولاته او الحلاوه او المربى مره واحده فى الاسبوع وتكون فى وجبة الفطار علشان يبقى سهل حرقها.
يلا بينا دلوقتى نشوف بقا الريجيم اللى بعد الولاده :
الفطار :
بيضه مسلوقه كويس اوى _ قطعة جبنة قريش _ قطعة توست رجيم.
بين الفطار والغدا :
2 من الفاكهه
الغدا :
طبق شوربة فراخ من غير جلد او لحمه منزوعة الدسم _ طبق سلطة خضرا _ طبق خضار كبير باللحمه المفرومه _ نص فرخه مشويه او مسلوقه.
بين الغدا والعشا :
كوباية لبن خالى الدسم بالحلبه.
العشا :
كوباية زبادى _ عيش اسمر _ قطعة جبنة منزوعة الدسم أو بيضه مسلوقه.
ممارسة الرياضه بقا :
تقدرى تبأدى فى ممارسة الرياضة زى المشى واتمتعى بالهواء النقى مع طفلك وحاولى تمشى شوية كل يوم حتى لو مسافات قصيرة جوه الجنينه او مول تجارى.
ممكن كمان تمارسى رياضة الحوض والتمدد واوعى تعملى التمارين دى الا بعد مايعدى 8 اسابيع على الولادة وتحسى انك احسن بعد الولاده لان الرياضه دى معتمده على انقباض عضلات البطن وتمددها.
وممكن كمان تمارسى السباحه واليوجا.
