الحالات الطبية

عين السمكه والعدوى الجلديه

عين السمكه والعدوى الجلديه

امراض الجلد من الامراض اللى بتاخد وقت طويل فى العلاج ، وعين السمكه تعتبر من الامراض دى اللى بتصيب الجلد وخصوصا جلد القدم لكن فى ناس بتكسل تكشف عليها وده بيزود من المشكلة اكتر وبيعقدها ، ايه هو المرض ده ؟ وايه اسبابة ؟ وازاى نعالجة ؟

عين السمكة مرض جلدى عبارة عن اورام جلدية حميدة ومعدية بتيجى فى طبقات الجلد من فوق وبتحصل بسبب الاصابة بفيروس الورم الحليمى البشرى والفيروس ده فى منه 130 نوع معروف ومعظمهم بيتسببوا فى ثآليل جلدية وعبارة عن نتوء خشنة فى ملمسها وصلبة بتنمو على سطح الجلد وليه اشكال مختلفة واحجام واعداد وفى الغالب بيكون لونه نفس لون الجلد.

اسباب مرض عين السمكة :

لبس الجزم الضيقة واللى ليها كعب عالى ، ولبس الجزم من غير شرابات ، واننا نتصاب بالامراض اللى بتسبب خلل فى توزيع الوزن بشكل متساوى على الرجول والاقدام زى الروماتيزم او امراض العظام وزيادة الوزن ، وكمان استخدام الجزم الرياضية الناشفة ، واننا نستخدم ادوات شخص تانى مصاب بمرض عين السمكة ، وكمان عض الضوافر سبب من اسباب انتشار المرض على رؤوس الصوابع وحولين الضوافر ، وكمان ملامسة جلد شخص مصاب بأرضية حمام السباحة العام.

طرق الوقايه منها :

1. نلبس جزم مناسبة لمقاس الرجل ونراعى اننا نريح الصوابع جوة الجزمه ويكون النعل بتاعها طرى.
2. غسيل الرجلين كويس بالمية الدافيه والصابون علشان نرجع النعومة للجلد الناشف القاسى.
3. متلعبوش فى المناطق المصابة بعين السمكة علشان تتجنبوا انتشار الفيروس.
4. متقصوش ضوافركم اللى مش مصابة بنفس المقص اللى استخدمتوه لقص الضوافر المصابة.
5. متفكروش تخرموا عين السمكه لان خرمها بيساعد على انتشار الفيروس وحاولوا تلزقوها بالبلاستر المخصوص ونمنع اللعب بيها او خرمها.
6. حافظوا على ايديكوا ورجليكوا رطبين لانه من الصعب السيطرة على عين السمكة فى الجو الرطب.
7. اغسلوا ايديكوا كويس بعد لمس عين السمكة.

علاج عين السمكة :

الموسوعه الحرة بتقول ان ممكن علاجها باستخدام بلاستر بيحتوى على 40% من حمض سلسليك وبيتحط البلاستر عليها ونلف شاشة عليها علشان نثبته ونسيبها تلات ايام وبعد كدا بنشيل البلاستر وبعدين نحط المكان المصاب فى ميه دافية لمدة ربع ساعة علشان نقدر نشيل الجلد الابيض اللى اتكون مكان البلاستر ونعمل ده بمبرد او حجر الرجول ، وممكن نعلاجها كمان باستخدام النيتروجين السائل لتبريد مكان الإصابة.

#دكتور_مفيد
#روشتة_دوت_كوم
#الدواء_بقى_أونلاين

whatsapp

مقالات ذات صلة

زر الذهاب إلى الأعلى