قوى مناعة طفلك فى الشتاء بـ 7 أكلات مختلفه
قوى مناعة طفلك فى الشتاء بـ 7 أكلات مختلفه
كلنا بنحتاج توفير البيئة الصحية المناسبة لأطفالنا ويكتسب المناعه القوية اللى تساعد جسمة انه يتصدى لامراض كتير علشان كده هاقولك على 7 وصفات تقدرى بيهم انك تقوى مناعة طفلك:
1- العسل:
كل يوم اديلة معلقة عسل كبيرة لانه بيوفر لجسمة العناصر الغذائية لتقوية المناعة ولو رفض ابنك انه ياخد العسل بالمعلقة ممكن تحطيه على الزبادى او مع اللبن.
2- ساندوشات اللحوم الحمراء:
اسلقى لحمه حمرا مفيهاش دهون وقطيعها قطع صغيرة تنفع لسندوتشات وحطى عليها التوابل اللى بيحبها ابنك وجرجير ورشة لمون لان البروتين الموجود فى اللحوم بيساعد ابنك على تقوية مناعته واعملى الوصفة دى مرتين فى الاسبوع.
3- توست التونة:
هاتى علبة تونه قطع وحطيها فى طبق واقطعى عليها فلفل اخضر وطماطم والتوابل اللى بيحبها ابنك وقلبيهم مع بعض وبعد كده حطى الخلطة دى بين قطعتين توست وحطى عليهم جبنة شيدر أو الموتزاريلا وحطيها فى المايكروويف لحد ماتسيح الجبنة وبعدين اديها لابنك سخنه والتونة غنية بـ الاميجا 3 والزنك اللى هايحموا ابنك من الامراض.
4- الموز بالمكسرات:
هتجيبى موزة وتغطيها بالعسل الابيض وضيفى ليها اللى عندك من المكسرات والسودانى والخليط ده مليان بالعناصر الغذائية اللى بتقوى المناعه وحماية صحة ابنك.
5- سلطة فواكه بالزبادي:
هاتى موزه وكيوى وفراولة وتوت وقطعيها صغيرة واقلبيهم كويس وبعد كده حطى عليهم علبة زبادى وايدها لابنك لان العناصر الموجوده فيها هتوفر اللى محتاجه لتقوية المناعة.
6- البطاطا المخلوطة مع العسل:
حطى البطاطا فى الفرن لحد ماتستوى كويس وسيبها تبرد وقشريها وحطى على كل واحده معلقة عسل كبيرة واديها للابنك وهى وصفة سهلة وطعمها حلو وبتساعد على تقوية مناعة الجسم والجلد كمان.
7- طبق السلطة:
جهزى طبق سلطة فى انواع خضار كتير وقطعى عليه اكتر من فص ثوم لانه صعب ياكل الثوم لوحدة.
