كمادات الثلج لتفتيت دهون البطن
كمادات الثلج لتفتيت دهون البطن
استخدام التلج فى انقاص الوزن ممكن يعمل دفعه قويه لأن الانسجه الدهنيه واحده من اصعب الامور اللى بيكون صعب التخلص منها بسهوله خصوصا دهون البطن ، وتقدر تستخدم التلج فى انقاص دهن البطن وهتلاقى نتايج مذهله ومدهشه وكمان مش هتعانى من اللبس الضيق عند البطن ، الجسم بيتعرض لدرجات حراره بارده لما بنحط التلج سواء كان فى الجسم من جوه او الظروف اللى حواليه بيحرق السعرات الحراريه وبيحافظ على دفا الجسم علشان كده لما بنستخدم التلج الجسم بيحرق السعرات الحراريه المتراكمه والمخزنه فى الجسم لتوليد الحراره وبيسبب فى النهايه لانقاص الوزن.
قتل دهون البطن بكمادات الثلج :
التمثيل الغذائى عندنا بيحتفظ بدرجة حرارة الجسم عن طريق حرق السعرات الحراريه المخزنه علشان كده لما بنشرب كوباية ميه ساقعه بيسبب انخفاض مفاجئ فى درجة حرارة الجسم علشان يتحقق التوازن والدفا ويبدأ الجسم فى حرق السعرات الحراريه المخزنه والدراسات اثبتت ان الناس اللى شربوا 16 كوباية ميه ساقعه يوميا خسروا حوالى 18 سعر حرارى يوميا ومن غير ممارسة التمارين الرياضيه .
الثلج لتحسين حرق الدهون :
من الحاجات اللى بتساعد على حرق الدهون البيضا وتشكيل الدهون البنيه هيا استخدام كمادات التلح على البطن خصوصا مع اتباع نظام غذائى صحى وممارسة التمارين الرياضيه بيزود من قدرة حرق الدهون بنسبة 300% .
تجميد الأنسجة الدهنية وفقاً للأنسجة المستهدفة :
لما بنحط التلج لمدة 30 دقيقه على مناطق الجسم اللى بتحتوى على الخلايا الدهنيه ممكن انه يحفز بشكل كبير حرق الدهون وده فى الواقع بيعزز من عملية التمثيل الغذائى وتحويل الخلايا البيضا لخلايا بنيه وبيزود من فقدان الوزن وعلشان نحقق افضل النتاايج نجمع بين استخدام التلج على البطن واتباع نظام غذائى صحى وممارسة التمارين الرياضيه بانتظام ولما بنكون حاطين التلج على البطن يفضل الضغط علشان نفرج عن الخلايا الدهنيه وبيتم بعد كده عمليه الايض فى الجسم.
كيفية تجهيز كمادات الثلج ؟
بعد مابنلف قطعة تلج فى قطعة قماش رقيقه بينحطها على المكان اللى بيعانى من رواسب الدهون اللى انت عايز تحرقها وتربطها لمدة 30 دقيقه.
وممكن تجرب الطريقه دى مره واحده لمدة 12 يوم.
العيب الوحيد فى الطريقه دى هو الاحساس بالسقعه وعلشان نتجنب ده ممكن نرفع الكمادات كل شويه وممكن كمان يظهر اعراض زى الوخز والتنميل والاحمرار والالم وشد الجلد والبثور .
وفى حالة ظهور اى عرض من الاعراض دى حاول تدفى المنطقه دى بكمادات دافيه بس مبنصحش العلاج ده لامراض الاوعيه الدمويه الطرفيه واللى بيعانوا من تدفق دم أقل والاعتلال العصبى المحيط والمدخنين ومرضى السكر .
#دكتور_مفيد
#روشتة_دوت_كوم
#الدواء_بقى_أونلاين
