مرضى قصور القلب وصيام رمضان
مرضى قصور القلب وصيام رمضان
لما تاخد قرار الصيام فى رمضان لو كنت مصاب بمرض قصور القلب ، يبقى لازم تاخد عوامل الخطر فى الحسبان .
ممكن يسبب الصوم خطر على صحة المرضى اللى بيعانوا من قصور القلب حتى لو كان الصوم لمدة يوم واحد بس فبالنسبه لبعض المرضى ممكن يسبب تعريض حياتهم للخطر .
عشان كده لازم جدا مراجعة الطبيب والطاقم الطبى المعالج بخصوص الصوم وصوم الشهر كله للأستفسار عن لو كان ينفع للمريض الصوم وعن وجود تقييدات خاصه تانيه تتعلق بالصوم .
كل ماكان المريض بيعانى من عدد أكبر من الأمراض زى مثلا المريض اللى بيعانى من قصور القلب واللى بيعانى كمان من الفشل الكلوى أو مرض السكر بيكون الصوم أخطر بالنسبه ليهم وبتكون التقييدات اللى لازم يلتزم بيها أكبر وبتختلف التوصيات من مريض للتانى على حسب حالته الصحيه .
انتبهواااا
ممكن يظهر وقت الصوم أعراض نتيجة التغييرات فى نسبة السكر فى الدم ، ضغط الدم ومستويات الأملاح فى الجسم ، لازم يعرف المريض ارشادات عن ازاى يتصرف لو ظهرت الحالات دى .
الشرب
اللى هيختار انه يصوم ، واحده من العوامل الرئيسيه اللى بتسبب التغيرات الحاده اللى قولنا عليها فوق هو الجفاف .
الأدويه
بياخد مرضى قصور القلب مدرات البول ، ويكون أحسن انه ميتوقفش المريض عن انه ياخد الأدويه دى الا لو وافق الطبيب المعالج على ده .
عموما لازم المريض يراجع الطبيب أو اخصائى مؤهل بخصوص طريقة تناول الأدويه المختلفه .. قبل أو بعد الأكل .. وعدم اتخاذ القرار بخصوص ده بشكل مستقل ومهم ان المريض يبلغ الطبيب وأفراد عيلته بكل تغيير ناوى يعمله .
وجبة السحور
لازم تكون الوجبه دى غنيه ومغذيه مع المحافظه على تقليل كمية الصوديوم ، ويكون أحسن استشارة أخصائى التغذيه بخصوص طريقة تقليل كمية الصوديوم فى السحور وفى الفطار .
وكويس كمان تناول الكربوهيدرات المركبه على قد ماتقدر وكمان تكتر من استهلاك البروتينات لانها بتحسس بالشبع لمده أطول .
ويكون أحسن تاكل الأكل بعد شرب كميات كافيه من السوايل زى تعليمات الطبيب .
#دكتور_مفيد
#روشتة_دوت_كوم
#الدواء_بقى_أونلاين
