مرض التوحد سبع اعراض وعشر حلول

اعراض مرض التوحد والحلول:

_ السلوك الغير طبيعى :

احيانا بتظهر اعراض التوحد على الطفل ويفسرها الأهل على ان الطفل طباعه هاديه.

ومن الاعراض كمان استقلال الطفل وعدم رغبته فى اى طلب ولو كانوا الأهل عارفين وفاهمين هيقدروا يكتشفوا العلامات بدرى واللى هيفيد فى سرعة العلاج .

_ حركة الجسم :

من أهم أعراض التوحد ان الطفل يدور حولين نفسه او يهتز فى تكرار او يمرجح ايديه .

_ عدم تكرار الكلمات والأصوات :

من العلامات المهمه برضه عدم تكرار الطفل للكلام او تقليد الاصوات لحد العام الأول .

_ التأثير على وظائف المخ :

بيأثر التوحد على اجزاء معينه فى المخ والاجزاء دى بتقدر تتحكم فى عواطف الجسم والحركات اللى بيقوم بيها.

وكتير من الاطفال اللى عندهم توحد بيكون عندهم راس أكبر فى الحجم من الحجم الطبيعى .

_ التواصل الاجتماعى :

الاطفال الأكبر سنا بتختلف عندهم اعراض التوحد لانها بتختلف وتتنوع كل مااتقدم الطفل فى العمر.

ولكن فى الاساس بتجتمع كل الاعراض حولين عدم القدره على الكلام او التواصل الاجتماعى .

_ الوحده :

بيحس الاطفال اللى بيعانوا من مرض التوحد من وجود شعور قوى عندهم بالوحده وهما دايما بيفضلوا التواجد لوحدهم.

لان التواصل عندهم مع الاخرين مش بيكون سهل عليهم.

– عدم الاستجابة للأضواء والاصوات :

الطفل المصاب بالتوحد بتكون استجابته للأصوات العاليه او الأضاءه أو الالام مش طبيعيه.

واحيانا بيستجيب للألم بطريقه مش طبيعيه وبيظهر عليه عدم الشعور بالألم او ممكن الشعور القليل بالألم.

ولكن الاصوات المزعجه بتضايقه وبتغضبه وممكن كمان تؤلمه .

ومن اعراض التوحد كمان :

حب العزله والابتعاد عن المحيطين ويعيش المتوحد جوه عالمه الخيالى ومش بيجذبه اللعب مع الأطفال اللى من سنه .
عدم مشاركة الاخرين مشاعرهم وعدم احساسه بالألم .
عدم الاستجابه لنداء الاخرين وكأنه مش سامعهم .
وجود تأخر فى النطق والتعبير عن اللى هو عايزه مقارنه بالاطفال اللى من عمره .
مبيحبش الطفل حد يحضنه وبيحاول الهرب والانكماش على نفسه .
مبيقدرش الطفل يركب الجمل ( الكلمات يعنى ) وممكن ينسى اللى كان بيقوله ويكرر بعض الكلمات كتير .
بيتكلم بطريقة الترنيم وبصوت موسيقى وبيعيد نطق بعض الكلمات بطريقه موسيقيه .
بيكرر بعض الحركات طول الوقت زى الاهتزاز و الدوران .

علاج مرض التوحد :

مفيش علاج شافى من مرض التوحد عن طريق الادويه والعقاقير.

ولكن بيتم تأهيل المصاب والأهل والبيئه المحيطه للتأقلم مع الحاله وبيتم تعليم الطفل السلوكيات المناسبه.

التعامل مع مريض التوحد :

اولا: تقدير الحاله النفسيه ،

الطفل التوحدى هو انسان اولا واخيرا وقبل اى حاجه فى اللى بيفرحه ويخليه سعيد .

وفى اللى بيزعله ويخليه كئيب حتى ولو كنا نجهل السبب فشأنه شأن الطفل العادى.

ثانيا : التركيز على التواصل :

الانسان مش بيكون انسان الا بوجود الاخرين ومش بيكتسب مدى انسانيته الا بمدى تواصله معاهم.

عشان كده مهم اننا نركز فى تعاملنا مع الطفل التوحدى على تنمية التواصل البصرى واللفظى.

ثالثا: محاولة تقريب ودمج الطفل مع اللى فى سنه ،

بيميل الاطفال التوحدين للتعامل مع الكبار والاتصال بيهم ويكون تعاملهم مع الكبار أسهل من تعاملهم مع الاطفال الصغيرين.

عشان كده لازم نقرب الطفل التوحدى من الاطفال التانيين ونعلمه ازاى يلعب ويتفاعل معاهم .

رابعا : شغل الطفل عن الحركات النمطيه ،

اغلب الاطفال التوحديين عندهم حركات نمطيه مبتكره بيعملوها ليل نهار وبيضايقوا لما تقولهم متعملوش كده.

انما ننهاهم عنها ونمنعها باننا نشغلهم دايما ومنسبهمش مع نفسهم يكرروا الحركات دى والافعال النمطيه .

خامسا : تنمية الثقه بالنفس والاستقلاليه ،

بيعانى الطفل التوحدى من فقدان الثقه ولازم اننا نشجعه على عمل كل حاجه بنفسه .

سادسا : تدريب الطفل على الدفاع عن نفسه ،

الطفل المصاب بالتوحد مش بيقدر فى الغالب الدفاع عن نفسه ومش بيقدر التعرف على مصدر الخطر.

وعشان كده مهم اننا ندربه على ازاى يرد العدوان وازاى يهرب من مصدر الخطر .

سابعا : التدريب على اللعب ،

وعشان للعب الاهميه دى فى حياة الانسان يبقى من المهم اننا ندرب الطفل التوحدى على اللعب.

وبعض الاطفال التوحديين بيفضلوا الالعاب التركيبيه والميكانيكيه وتنظيم الالعاب فى صفوف وأشكال منظمه.

ثامنا : توحيد طرق التعامل ،

ممكن ميحصلش تقدم فى حالة الطفل التوحدى بالرغم من اتباعنا لمعظم المبادئ والنصايح.

وبيرجع السبب فى اوقات كتير الى ان اسلوب التعامل فى البيت بيختلف عن اسلوب التعامل فى المدرسه او المركز او المؤسسه.

تاسعا : التأكد من فهم الطفل للى بنطلبه منه وقدرته على النجاح فيه.

عاشرا : تدريب الطفل على تقبل التغيير .

#دكتور_مفيد
#روشتة_دوت_كوم
#الدواء_بقى_أونلاين