اخبار عامة

نصائح رمضانيه

نصائح رمضانيه

لازم نعيد النظر فى عادتنا الغذائيه عشان نحافظ على صحتنا ونشاطتنا .
وعادة بيتسبب الافراط فى تناول الأكل مشاكل صحيه كتيره وعشان نتجنب الشعور بالارهاق والأرق والام البطن وغيره لازم تعرفوا أهم العادات الصحيه اللى يفضل اتباعها على مدار الشهر الفضيل :

_ البدايه مع وجبة السحور تناولوا كميات كافيه من الميه والسوايل ومتنسوش مصادر البروتين المختلفه زى الحليب ومشتقاته .
_ ابعدوا عن الأكل الغنى بالأملاح لانه بيستت احتباس السوايل جوه الجسم وده بيضر صحتكم ويحسسكوا بالعطش وقت الصيام .
_ عشان نتجنب عسر الهضم يبقى لازم نفطر ببطئ عشان منحسش بالتقل ، وممكن نبدأ الفطار بكوباية ميه مع حباية تمر وبعد كده طبق الشوربه وبعد 10 دقايق ممكن نبدأ بأكل الطبق الرئيسى .
_ يكون أحسن نقسم الفطار على وجبات ، تكون الأولى قبل الطبق الرئيسى الميه والشوربه ، بعد كده الطبق الرئيسى وبعده بساعتين ناكل واحده أو اتنين من الفاكهه .
_ ابعدوا عل أد ماتقدروا عن الحلويات الدسمه عشان نتجنب زيادة الوزن وممكن تاكلوا الحلويات مره واحده فى الاسبوع .
_ كتروا من أكل سلطة الخضار الغنيه بالعناصر الغذائيه الضروريه اللى بيحتاجها الجسم من الفيتامينات والمعادن ، لان ده بيساعد على الشعور بالشبع والتغلب على الجوع وقت الصيام .
_ اياكوا تاكلوا الأكلات الدسمه والمقليه خصوصا فى وجبة الفطار لأن ده هيعرضكوا لزيادة الوزن .
_ اشربوا المشروبات الخفيفه والفاكهه المجففه لاحتوائها على سكر أقل .
_ السوايل تعتبر من المغذيات الاساسيه اللى بتحافظ على صحة الجسم وحيويته ومهم جدا ان الجسم يحصل على كمية الميه اللى بيحتاجها وهي 8 كوبايات ميه يوميا من فترة الفطار ولحد السحور عشان تجنب الجفاف والامساك .
_ متنسوش التمارين الرياضيه المعتدله عشان الحفاظ على الوزن الصحى .

#دكتور_مفيد
#روشتة_دوت_كوم
#الدواء_بقى_أونلاين

whatsapp

مقالات ذات صلة

زر الذهاب إلى الأعلى