هل الفلفل الأحمر يزيد الطاقه الجنسيه ؟
هل الفلفل الأحمر يزيد الطاقه الجنسيه ؟
لو كنت خاطب بتعد الايام والدقايق وحتى اللحظات اللى هتفصلك عن يوم الفرح لانك اكيد سمعت كتير نصايح اللى بتوصيك بأكله أو طبخه معينه لتحفيز طاقتك الجنسيه وكمان هتسمع توصيات بالكوارع والحمام والبهارات والأكل الحراق بشكل عام والفلفل الاحمر الحراق بشكل خاص .. طيب ياترى ده طبيا صح ؟؟
ممكن يكون السبب ورا اعتقاد بعض الناس بأن الفلفل الأحمر محفز للطاقه الجنسيه لانه بيحتوى على مواد مخرشه ممكن تظهر فى افرازات الجسم زى السائل المنوي لو كلت منه بشكل كبير عشان كده ممكن تسبب احساس بالحرقان وقت القذف وده اللى بيخليهم يفكروا انه دليل على طاقه أكبر ولكن ده مش صحيح .
تناول كميه كبيره من الفلفل الأحمر ممكن يكون مؤذى للطرف الاخر وقت المعاشره للأسباب اللى قولناها فوق .
وفى الواقع لحد دلوقتى مقدرش العلماء يلاقوا علاقه واضحه ومثبته بين تناول أكل معين وتحفيز الطاقه الجنسيه ، كل الخضار والفاكهه بتحتوى على الفيتامينات والمعادن المفيده للجسم أما اللحوم فتحتوى على البروتينات المهمه لبناء العضلات والأنسجه وكمان المكسرات زى الكاجو غنيه بالدهون اللى بتدى الجسم الطاقه ، عشان كده كل الاغذيه لو كلناها باعتدال هتنعكس ايجابيا على صحة الجسم وقدرة الشخص الجنسيه .
انما بقا بالنسبه للتوصيات الطبيه لتحفيز الطاقه الجنسيه هي :
عدم التدخين ، ممارسة الرياضه ، عدم شرب الخمره ، الحفاتظ على وزن صحى ، تقليل الضغوط النفسيه ، مراجعة الدكتور بشكل دورى والتأكد من ان مفيش مشاكل صحيه وعلاجها لو موجوده زى ارتفاع ضغط الدم والسكر .
التوصيات دى اكتر فايده وأهميه لتحفيز طاقتك الجنسيه وكمان مش بتسببلك ريحه زى مابتاكل الأكل الحراق والبهارت بشكل كبير ده غير انها هترحمك من أكل الفلفل الحراق الملهلب .
#دكتور_مفيد
#روشتة_دوت_كوم
#الدواء_بقى_أونلاين
