هل يجب غسل اليدين بماء بارد أم ساخن ؟

بيقول العلماء ان نظرية غسل الايدين بمية سحنه عشان نتخلص من البكتيريا غلط .

فى دراسه حديثه وجدت ان الميه الساقعه بتقتل نفس العدد من البكتيريا الضاره .

وشدد الباحثين كمان ان الصابون او الغسول المضاد للجراثيم مش أحسن من الصابون العادى .

بغض النظر عن حرارة الميه او الصابون اللى بنستخدمه لازم تفرك ايديك لمدة متقلش عن 10 ثوانى للتخلص من البكتيريا المسببه للتسمم الغذائى .

حرارة الميه مش بتأثر على ازالة البكتيريا عن الايدين ولا نوع الصابون انما طريقة الغسيل هيا اللى بتأثر .

بالرغم ان معروف ان الحراره العاليه بتقتل البكتيريا عشان كده بنهتم اننا نسخن بعض الاطعمه لحد درجة الغليان قبل أكلها بس الميه اللى بنستخدمها لايدينا مش هتقضى على البكتيريا الا لو كانت الميه سخنه لحد احتراق الجلد .

يبقى مش الميه السخنه الحل ولا الصابون الغالى الحل .. الحل هو اننا نفرك ايدينا كويس اوى بالميه العاديه والصابون اكتر من 10 ثوانى .

#دكتور_مفيد
#روشتة_دوت_كوم
#الدواء_بقى_أونلاين