٧ نصائح لتجنب زيادة الوزن فى العيد
٧ نصائح لتجنب زيادة الوزن فى العيد
مع انتهاء الصيام وقدوم العيد بنجرى كلنا على الكعك والبسكويت وسط تجمع العيله والاصدقاء من تانى ، وانا النهارده هقدم ليك مجموعة نصايح عشان تستمتع بالعيد من غير زيادة الوزن .
1.ابعد عن الكسل:
التزم بشكل معين بأى حركه فى اجازة العيد على قد ماتقدر حتى وان كان اى نشاط جوه البيت كل يوم لمدة 10 دقايق الصبح ، الاكل مش هو العدو الوحيد للأنسان فعدم الحركه هي العدو الاكبر والاخطر على صحتك ووزنك .
2.لا تتخلى عن الخضروات والفاكهة:
اغلب الاطعمه اللى بتتقدم فى العيد بتكون عباره عن لحوم وكعك وبسكويت وحلويات مختلفه ومع كل ده التزم دايما بانك تاكل 3 حصص من الفاكهه والخضار الطازه لان ده هيساعدك على الشبع وكمان الالياف الموجوده فيهم هتحسن من عملية الهضم .
3.تناول خمس وجبات يوميًا:
متسبش نفسك جعان لفتره طويله وتناول وجبه كل 3 ساعات وخلى وجبتين منهم على الاقل عباره عن فاكهه وخضار طازه .
4.متروحش تجمعات العيله وانت جعان :
التجمع العائلى المليان بالكعك والبسكويت وكل ما لذ وطاب مش هيبقى فى فرصه من الفرار منه وعشان تقلل من كمية اللى هتاكله فى وقت التجمع ده تناول وجبه قبل ماتخرج من البيت .
5.قلل من تناول الحلويات :
مش بقولك ابعد عن حلويات العيد لأن ده موضوع صعب على البعض ! ولكن خلى بالك على اللى بتاكله مبلاش الاسراف فى الكميه وكفايه تاكل قطعتين من الكعك والبسكويت طول اليوم لو كنت فعلا مش عايز يزيد وزنك .
6.متخليش همك الاول هوه الاكل :
ركز اكتر على انك تكلم عيلتك واصحابك وتعرف اخبارهم وتعمل بعض الانشطه والالعاب مع بعض بدل من التركيز الكامل على الاكل فى القعدات دى .
7.متنساش شرب الميه :
اشرب على الاقل 2 لتر ميه كل يوم وممكن استخدام بعض تطبيقات المحمول عشان تفكرك بشرب الميه وخصوصا وانت قاعد لفترات طويله بره البيت .
#دكتور_مفيد
#روشتة_دوت_كوم
#الدواء_بقى_أونلاين
