10 أطعمه لعلاج الطفل ضعيف المناعه
10 أطعمه لعلاج الطفل ضعيف المناعه
معظم الاطفال بيتعرضوا لمسببات البكتيريا والامراض علشان كده كل أم بتهتم انها تقوى مناعة طفلها وتحافظ على صحته لأن جهاز المناعه بيشتغل على حماية الجسم من الامراض والفيروسات والسموم وعلشان يكون جهاز المناعه قوى لازم يكون اول حاجه الاكل صحى وسليم.
وعلشان كده هقدملك النهارده اهم الاطعمه اللى هتساعدك على تقوية مناعة ابنك :
1. الخضروات الورقيه :
الخضروات الورقيه زى السبانخ والقرنبيط والبروكلى بتساعد على محاربة العدوى لانها مليانه بالفيتامينات الضروريه لصحة الجهاز المناعى لطفلك وكمان فيها مضادات اكسده زى البيتاكاروتين اللى بيحمى الجهاز المناعى وبيقويه.
2. الثوم :
للثوم دور كبير في تقوية جهاز المناعة، لانه بيعمل كمضاد للسموم والبكتيريا والفطريات، وكمان بيسهل عملية الهضم وبيحافظ على صحة القلب.
3.المشمش :
يحتوي المشمش على العديد من الفيتامينات والمعادن اللي بتعزز الجهاز المناعي لطفلك، زى فيتامينات “أ” و”ج”، وكمان غني بالألياف والبوتاسيوم اللي بيعمل على حماية الأوعية الدموية.
4.البطاطا الحلوة:
البطاطا الحلوة بتلعب دور كبير في وقاية طفلك من الأمراض، لانها بتحارب البكتيريا والفيروسات، وبيرجع ده لان البطاطا الحلوة بتحتوي على فيتامين “أ” اللي بيعمل كمان على تكوين الخلايا الجذعية.
5. الفواكه الحمضية:
تحتوي الفواكه الحمضية، زى البرتقال واللمون والجوافة، على كمية كبيرة من فيتامين “ج”، اللي بيحفز إنتاج كريات الدم البيضا اللي بتعمل على تقوية الجهاز المناعي لطفلك، وبتحتوي كمان على مضادات الأكسدة اللي بتحسن الدورة الدموية.
6. التوت:
بيساعد أكل التوت والفراولة على بناء جهاز مناعة قوي لطفلك، لان الفراولة فيها نسبة عالية من مضادات الأكسدة، وبيحتوي التوت على نسبة أقل من السكر عن غيره من الفواكه.
7. المكسرات:
أثبتت بعض الدراسات الحديثة أن أكل طفلك 20 جرام من المكسرات يوميًا بيعمل على حمايته من الأمراض وتقوية جهازه المناعي، لأن المكسرات بتحتوي على العديد من الألياف والدهون المشبعة والماغنسيوم.
8. العسل:
يؤدي العسل عمل المضادات الحيوية، لأن ليه قدرة عالية على القضاء على الفيروسات والبكتيريا، وكمان ليه دور مهم في الوقاية من الأمراض، و بيحتوي على العديد من المعادن والفيتامينات.
9. الزبادي:
يحتوي الزبادي على مادة “البروبيوتيك” اللي بتعمل على وقاية الأمعاء من الفيروسات اللي بتسبب الأمراض، وكمان بيحتوي على مجموعة من البروتينات والمعادن والفيتامينات، اللي بتساعد على تقوية جهاز المناعة.
10.البقوليات:
تعتبر البقوليات،زى الفول والعدس والفاصوليا، مصدر مهم للبروتين، لانها بتساعد البقوليات في عملية بناء الجسم، وبيرجع ده لأن فيها حمض الفوليك والبوتاسيوم.
