10 أكاذيب يقع فيها الأزواج السعداء

جوزك بيكدب عليكى ؟؟ ?

دايما بتشك الزوجه بان جوزها بيكدب عليها ومش قادره تمسك عليه حاجه ، كنتى تعرفى قبل كده مثلا ان الرجاله بيكدوا بمعدلات اعلى من الستات ؟ فالرجاله بيكدبوا 6 مرات فى اليوم الواحد مقابل 3 كدبات للست يعنى بمعدل الضعف ، طيب ايه هيا اشهر 10 كدبات بيقولها الرجاله للستات ؟؟

الكدبه الاولى : كل حاجه تمام ? :
السبب : غالبا ان الزوج بيختار أسهل مبرر للأنعزال او لعلاج جروحه والهروب من الكلام.
فى مشاعر وبيحاول الراجل يخبيها لحماية رجولته عشان كده سيبيه يخرج من ازمته لوحده وخليكى قريبه منه بس والنبى اوعى تعيطى معاه.

الكدبه التانيه : طبعا اللبس ده روعه عليكى ? :
السبب : تجنب المشاكل.
بيستخدم الرجاله الكدبه البيضا مش عشان بس يتجنب يأذى مشاعرك لكن عشان يسهل حياتكوا مع بعض ويتخلص من ملاحقتك ليه بالاسئله اللى مش بتخلص زى ، ضاق عليا ؟ لونه مش لايق عليا ؟ وكل الاسئله اللى من النوع ده.

الكدبه التالته : مكنتش ببصلها :
السبب : طبيعة الراجل اللى مبيقدرش مقاومتها مهما كانت مدة جوازكوا طويله.
جوزك ميقدرش يتوقف انه ينجذب للستات التانيه واللى بيخليه ميقعش فى الفخ بأسهل كدبه.

الكدبه الرابعه : سيبيه ، انا هقدر اصلحه :
السبب : حماية كبريائه الرجولى فى حل اللى عجزتى انتى فى حله ويمكن علشان يوفر فلوسه. ?
بعض الرجاله بيحسوا انهم لازم يكونوا عارفين كل حاجه وفى كل المجالات ولو ساب الراجل مراته او اى حد تانى يصلح العطل ده بيحسسه بالضعف.

الكدبه الخامسه : حاولت اتصل بيكى لكن تليفونك غير متاح :
السبب : الدفاع عن النفس السريع فى اى موقف بالرد التلقائى ده عشان يهرب من اى اتهام.
بيعتقد الرجاله انهم ضحوا تضحيه كبيره جدا عشان زوجاتهم وانه اتخلى عن حياة العزوبيه الرائعه واستسلم للقفص الدهبى عشان يرضيها ، واهى بتصرخ فى وشه لو نسى يجيب حاجه مثلا او نسى يتصل بيها ، عشان كده بيلجأ للكدبه البيضا دى وتطويل قايمة الأعذار.

الكدبه السادسه : مش عايز اصالحك الا لو كنتى عايزه انتى ده :
السبب : بيكون هوه الغلطان وبيحس بتأنيب الضمير.
بيفضل عدم مواجهتك وانتى فى قمة غضبك عشان ميدخلش فى مناقشه وهو الخسران فيها فبيسيبك لحد ماتهدى عشان يتحسن موقفه.

الكدبه السابعه : انا مكدبتش عليكى :
السبب : تعيشوا فى سعادة طول الوقت .
لكن هو يقدر يكدب ؟ ده بيعتمد على شخصيته بشكل اساسى وممكن يكون ده نسبيا حسب حجم الحقيقه اللى عايز يخبيها عليكى.

الكدبه التامنه : خطيبتى او صحبتى السابقه كانت عاديه وملهاش اى اهميه عندى زيك:
السبب : الحفاظ على نفسه من المشاكل.
الرجاله فاهمين اهمية الصدق والامانه عشان كده من الحكمه فى نظرهم عدم زرع بذره مش ضروريه من الشك عشان كده بيقول الاكاذيب دى هيا الطريق الوحيد عشان يحقق السعاده الزوجيه من وجهة نظره.

الكدبه التاسعه : أنا الأحسن :
السبب : عشان يخليكى مبسوطه لانك اتجوزتيه.
بيحب الرجاله ان زوجاتهم يعرفوا دايما انهم الافضل والاقوى والاحلى عشان كده استعدى تسمعى القصص عن بطولاته ومغامراته اللى كان فيها البطل الوحيد ، لكن نصيحه منى متصدقيهاش. ?

الكدبه العاشره : مكنش عندى علاقات مع ستات غير اتنين او تلاته ايام الجامعه :
السبب : الحفاظ على الزواج.
اعتقد ان الجمله دى ضروريه وبيلجأ ليها فعلا معظم الرجاله عشان يحافظا على جوازهم وفى الوقت نفسه بيثبت انه كان عنده مغامرات قبل كده.

فى النهايه ..

كل الرجاله بيكدبوا لكن نسبة صدقهم ومدى تأثير ده على العلاقه بتحددها افعالهم عشان كده لازم تكون الزوجه فى الغالب على علم بأن اللى بتسمعه من جوزها مش حقيقى لكنها بتتغاضى عن ده ، لأ وكمان بتحاول اقناع نفسها بيه. ❤️

#دكتور_مفيد
#روشتة_دوت_كوم
#الدواء_بقى_أونلاين