طريقة منع الحبوب من الظهور في الوجه بعد الحلاقة

كتير من الرجاله اللى بيحلقوا بانتظام بيتصابوا بالبثور والتهيج بعد الحلاقه وده بسبب ان الشعر اللى لسه موجود جوه بصيلات الشعر بيبدأ فى النمو جوه الجلد .
وسبب البثور بعد الحلاقة هيا ادوات الحلاقه الغير لائقه او اللى مش نضيفه ولما بتقطع الشعر تحت الجلد بيطلع مره تانيه تحت الجلد وبيشكل بثور حمرا رخمه وساعات بتكون مؤلمه.
زى مابيقول المثل الوقايه خير من العلاج ، يعنى باستخدام شفرة حلاقه مره واحده مع الزيت اللى جودته عاليه قبل الحلاقه وبعد الحلاقه ممكن يكون احسن طريقه اننا نمنع ظهور البثور بعد الحلاقه وتحسين الحلاقه بشكل عام.

ومع ذلك ، فى عندنا كتير علاجات منزليه اللى بتساعد على التخلص من الشعر اللى بينمو تحت الجلد واللى بيسبب البثور والعلاجات دى :

1. هلام الصبار :
علاج تقليدى بيساعد فى تهدئة البشره المتهيجه ولو كان عندك هلام الصبار الطازه فى البيت كل اللى عليك تقص طرف ورقه والضغط على الورقه لاستخراج الهلام واستخدامه ، وممكن كمان تشترى هلام الصبار بس خلى بالك فى اختيار العلامه التجاريه اللى مفيهاش الوان صناعيه او عطور.

2. الكمادات الدافيه :
تقدر تعمل كمادات سخنه بانك تنقع القطن والصوف فى الميه السخنه والضغط براحه على الجلد لأن الحراره بتفتح المسام وتسمح للشعر المحاصر انه يكون حر.

3. بندق الساحره :
العشبه دى مطهر طبيعى بتساعد على تقليل التهاب الجلد ، وتحطه مباشر على البشره بعد الحلاقه وده بيساعد على الحد من الاحمرار والتهيج.

4. كريم هيدروكورتيزون:
الكريم ده مضاد للألتهابات زى اللى موجوده فى نبات بندق الساحره لكنه اقوى منها بكتير وهو بيتباع فى معظم الصيدليات كعلاج للبشره من التورم والتهيج وكل اللى عليك انك تحط شويه صغيره من الكريم ده للمساعده فى الحد من بثور مابعد الحلاقه.

5. عصير اللمون :
عصير اللمون الحمضى الطبيعى بيساعد على وقف البكتيريا من النمو فى بصيلات الشعر اللى بتنمو وعصير اللمون بيساعد على تقليل الاحمرار ومنع العدوى.

6. زيت شجرة الشاى :
هو مضاد طبيعى للبكتيريا وزيت شجرة الشاى النقى قوى جدا علشان كده لازم نخففه دايما بشوية ميه صغيرين قبل ماتحطه على بشرتك.

7.الشاى الابيض :
ممكن يكون جنان ، بس تقدر اكياس الشاى الابيض انها تساعد على التخلص من بثور مابعد الحلاقه لان الشاى بيحتوى على حامض التانيك اللى بيساعد على تقليل الالتهاب وبكل بساطه تقدر تحط كيس الشاى بعد عصره على الجلد المصاب لتقليل الاحمرار والتورم.

8. الوقايه خير من العلاج :
أفضل طريقه علشان نتخلص من بثور الحلاقه هى تغيير طريقة الحلاقه وهتحتاج استخدام كريم للحلاقة صحيح وبعد الحلاقه استخدام زيت لمنع التهيج وكمان الحلاقه الصح بتساعد على الحصول على حلاقه انضف من غير مايحصل مشاكل فى جلدك.

اتباع روتين تانى للحلاقه :
ده روتين نموذجى لحلاقة البشره الحساسه :

1. شطف البشره بالميه السخنه للتطهير.

2. شطف البشره بالميه الساقعه علشان نقفل المسام.

3. تطبق طريقة هلام الصبار لأن ليه خصائص كبيره مضاده للألتهاب.

4. تحط كريم مرطب.

لو عجبتكوا المقالة لايك وكومنت وشير .. وكمان شاركوني آرائكوا
#دكتور_مفيد
#روشتة_دوت_كوم
#الدواء_بقى_أونلاين

عن admin

أنا دكتور مفيد .. هكتبلكم كل يوم مقالتين جداد واتمنى انهم يكونوا مفيدين وتستفادوا منهم يا حبايبي .